Ankan kxpulakni

Ankan xlipulaktiy niku tsuku

Xtatayananin Jehová

totonaco

Akgtum biblioteca nema tlan kaniwa niku linkan

Akgtum biblioteca nema tlan kaniwa niku linkan

Kata 2013, 7 xla octubre xtatayananin Jehová wilikgolh aplicación xaʼinglés xlakata latamanin tlan xlikgalhtawakgakgolh chu xlakputsananikgolh Biblia kxteléfonos, ktabletas chu atanu dispositivos móviles. Uma aplicación wanikan JW Library, ni taxokgo chu kgalhi pulakchaxan traducciones xalak Biblia xaʼinglés, na limin King James Version (Versión del Rey Jacobo) chu nema aku lakputsananika xla kata 2013 xla Traducción del Nuevo Mundo de las Santas Escrituras. *

¿Tuku xlakata tlawaka uma aplicación?

Millones latamanin maklakaskinkgo teléfonos, tabletas chu atanu dispositivos móviles kxtaskujutkan, natachuwinankgo amakgapitsi chu nakatsikgo tuku taxtutilhama. Chu xlakata nakamakgtayakan umakgolh latamanin, xtatayananin Jehová xwilikgonita ksitio jw.org lhuwa tamakgtay xlakata tlan likgalhtawakgakan Biblia. Pero ¿tuku xlakata tlawakgolh JW Library?

Pulana, xlakata akxni maktikanita, uma aplicación ni talakaskin pi tiku maklakaskima nakgalhi Internet. Xlipulaktiy, tlawaka xlakata ni tuwa naputsakan versículos chu liwana likgalhtawakgakan Biblia. Kaʼakxilhwi la tlan kitaxtu maklakaskinkan.

Makgtayanan tlan nalikgalhtawakgaya Biblia

Akxni xapulana tiku maklakaskima JW Library, tasiyakgo libros xalak Biblia. Chu komo napitaniya akgtum, natasiyakgo xcapítulos xla uma libro. Chuna tlan lakapala natekgsa akgtum versículo o texto xalak Biblia. Nachuna aplicación limin tuku lu makgtayanan xlakata tlan nalikgalhtawakgaya Biblia, la umakgolh:

  • Notas nema min kpágina xlakata tlan nalikgalhtawakgaya chu atanu nema na xlakaskinkan

  • Referencias xla textos xalak Biblia nema na watiya lichuwinan

  • Tlan putsa laktsu tachuwin o laklhman

  • Limin niku wilakgolh xcapítulos akgatunu libro xalak Biblia

  • Akgtum tabla niku wan tiku tsokgli akgatunu libros, tuku kilhtamaku chu niku tsokgka chu tukuya kata matsukika chu makgalhsputuka

  • Mapas, tablas, kata nema titaxtunit chu diagramas xacolor

Chuna putum xlikgalhtawakgakan xtatayananin Jehová, JW Library ni taxokgo. Uma aplicación, litlawaka tumin nema xatapaxuwan maskiwinankan, liwaka akgtum millón lata maktikanit (2 Corintios 9:7). Komo nina maktiya, ¿tlan xmakti uma lu stlan biblioteca nema tlan kaniwa niku linkan chu nalitamakgtayaya?

^ párr. 2 Uma aplicación masastika enero kata 2014 xlakata xlimilh akgtum texto xala chali chali chu comentario, nachuna niku min takilhtlin tuku likilhtlikgo xtatayananin Jehová.