Ankan kxpulakni

Ankan xlipulaktiy niku tsuku

Xtatayananin Jehová

totonaco

Fotos tuku tlawatilhaka kWarwick 2 (septiembre asta diciembre kata 2014)

Fotos tuku tlawatilhaka kWarwick 2 (septiembre asta diciembre kata 2014)

Umakgolh fotos masiya makgapitsi taskujut nema tlawaka septiembre chu diciembre kata 2014 kxasasti niku napulalinkan xtaskujutkan xtatayananin Jehová.

Dibujo chuna la natasiya kWarwick:

  1. Niku kaxtlawakan putlaw

  2. Niku wilikgo xputlawkan tiku minkgo

  3. Niku kaxtlawakan putlaw chu niku wilikgo xputlawkan betelitas

  4. Niku lhtatakan B

  5. Niku lhtatakan D

  6. Niku lhtatakan C

  7. Niku lhtatakan A

  8. Oficinas chu Edificio de servicios xla familia Betel

11 xla septiembre kata 2014 (Niku wilikgo xputlawkan tiku minkgo)

Tiku skujmakgolh malakgnumakgolh tuku nalitlawakan xʼakgstin niku lhatatakan C maklakaskimakgolh likan.

18 xla septiembre kata 2014 (Niku kaxtlawamaka Warwick)

Niku tasiya lago xla Sterling Forest (Blue Lake) ksur niku skujmaka. Unu tamaklakaskinit asta 13 grúas watiya kilhtamaku. Xlakatin wilimaka concreto (hormigón) xlakata nalimatsukikan niku lhtatakan B.

26 xla septiembre kata 2014 (Oficinas chu Edificio de servicios xla familia Betel)

Columnas chu vigas xalikan nema nakamaklakaskinkana. Chuna la tlawakanit edificio chu anan kalakgwan uma makgtayanan pi xkilhta namasputukan taskujut.

9 xla octubre kata 2014 (Niku kaxtlawamaka Warwick)

Tiku skujmakgolh lakkaxtlawamakgolh xʼakgstin niku lhtatakan C, nema litatlawanit likan chu tela nema ni lakgtanu chuchut. Xken na malakgnumaka tuku litatakgatsi xakgstin.

15 xla octubre kata 2014 (Oficinas chu Edificio de servicios xla familia Betel)

Tiku skujmakgolh mawakamakgolh vigas xalikan xchastun edificio. Unu niku nakaxtlawakan liwat, nawayankan, nachakganankan chu atanu departamentos.

15 xla octubre kata 2014 (Niku kaxtlawamaka Warwick)

Wi tiku maxkima aktsu lipalhni tiku kaxwilima niku naʼan drenajes.

20 xla octubre kata 2014 (Niku kaxtlawamaka Warwick)

Uma patsaps tlawaka xlakata naʼakxilhka xcolor argamasa chu la xkaslamawilika ladrillos. Na maklaskaskinka xlakata nakamasiyanikan tiku aku xkatsinimakgo natsapsnankgo. Kfoto tasiya tiku skujma laktilhma patsaps xlakata maklakaskinkalha.

31 xla octubre kata 2014 (Niku lhtatakan C)

Akgtum grúa chaxnit itat nema nawilikan xʼakgstin. Akxni lakgaputiy tlawakan xʼakgstin tlakg stlan tasiya akxni lakgamakgat akxilhkan.

7 xla noviembre kata 2014 (Niku kaxtlawakan putlaw chu niku wilikgo xputlawkan betelitas)

Wilikan tanque xla gas 95,000 litros. Uma maklakaskinkan niku machichikan chuchut.

12 xla noviembre kata 2014 (Niku lhtatakan C)

Chuna tasiya ksur edificio. Xchastun tasiya lago. Chuna la tanu tanu xcolor chu tuku litlawakanit xmakni edificios stlan tasiya.

21 xla noviembre kata 2014 (Niku kaxtlawakan putlaw chu niku wilikgo xputlawkan betelitas)

Akgtum tamakgaxtokgat, xchatiy plomeros, wilimakgolh tubos niku nalaktaxtu chuchut xlakata aku naliʼakgtapukan piso.

28 xla noviembre kata 2014 (Oficinas chu Edificio de servicios xla familia Betel)

Makgapitsi tiku skujmakgolh akgstimaktimakgolh miki..

1 xla diciembre kata 2014 (Niku kaxtlawakan putlaw chu niku wilikgo xputlawkan betelitas)

Akgtum tamakgaxtokgat akxilhmakgolh tukuya taskujut natlawakgo xla plomería.

10 xla diciembre kata 2014 (Niku kaxtlawakan putlaw chu niku wilikgo xputlawkan betelitas)

Maski mima miki, chuntiya puwaxnamaka, lakaxwilimaka la nataya edificios chu kxtakgawilikan concreto. Xchastun foto tasiya edificio la limakgtlapakanit lona xaplástico. Xlakata tlan chuna naskujkan maski nalonkgnan chu liskujkan material nema ni lakapala lhku, chu atanu nema natlawakan uma kilhtamaku.

12 xla diciembre kata 2014 (Niku lhtatakan D)

Tiku skujmakgolh wi tuku mawakanimakgolh columnas xlakata ni nachuwatanu chuchut chu akxni nina mawakakgo tuku nawilikan kilhtin.

15 xla diciembre kata 2014 (Niku kaxtlawamaka Warwick)

Lata talhman chuna tasiya kʼoeste. Xapakxtu foto tasiya niku nalhtatakan. Xasnapapa edificio nema wi xitat wa oficinas chu edificio de servicios xla familia Betel. Xlilakgalanka 100 hectáreas, chu niku tlawaka sucursal kaj 20% maklakaskinka. Wa xlakata lhuwaku wi niku nina tu atlawakan.

15 xla diciembre kata 2014 (Niku kaxtlawamaka Warwick)

Lata talhman chuna tasiya kʼeste. Kfoto tasiya edificios niku lhtatakan C chu D. Kʼedificio C tiku skujmakgholh wilinimakgolh likan nema litlawakan lakgaputiy xakgstin chiki.

25 xla diciembre kata 2014 (Niku lhtatakan C)

Chatum xwakna mamima xapakglhat piso niku lhtatakan. Pulaktati colores anan nema tlan nawilikan kʼakgatunu cuarto. Chuna la xcolor xpulakni, alfombra, piso, azulejos chu encimeras.

31 xla diciembre kata 2014 (Oficinas chu Edificio de servicios xla familia Betel)

Piso amakan litlawakgokan xlakata tlan natlawan chuchut.

31 xla diciembre kata 2014 (Niku lhtatakan C)

Chatum técnico kgalhi 77 kata wilima cable nema tlawa pi tlakg lakapala naskuja Internet. Xlakata akxni akgasputnita nawan uma taskujut maklakaskinkanita nawan 32 kilómetros xla uma cable.