Ankan kxpulakni

Xtatayananin Jehová

Laksakkan tachuwin totonaco

Tlan akxilhkgo xtamakgtaykan xtatayananin Jehová xpalakata tiku wilakgolh kCentro de Detención

Tlan akxilhkgo xtamakgtaykan xtatayananin Jehová xpalakata tiku wilakgolh kCentro de Detención

Centro de Detención de Inmigrantes Curtin, lakatsu kDerby (Australia Occidental), kamaxkinit kgalhnajatsa xtatayananin Jehová akgtum diploma nema lipaxtikatsinikgo xlakata «lu tlan taskujut nema tlawakgo» xpalakata tiku wilakgolh kCentro de Detención. Unu niku tlakg tanumakgolh tiku kamachokgokan xlakata ankgo alakatanu país chu ni kgalhikgo xkapsnatkan. *

Akgatunu semana xtatayananin Jehová kalakgapaxialhnankgo tiku tanumakgo anta xlakata nakgaxmatkgo tuku titaxtukgonit chu tlan nakamamakgkatsinikgo chu nakamaxkikgo takgalhkgalhin nema masta Biblia. Christopher Riddoch, tiku lakgaya Centro de Detención chu wa skinikan talakaskin xlakata tlan natanukgo tiku tapakgsikgo kʼakgtum takanajla o tiku mastakgo akgtum tamakgtay, lichuwinalh pi «tunkun tasiya tuku tlan kitaxtu xlakata xtatayananin Jehová kalakgapaxialhnankgo tiku tanumakgo anta». Riddoch wa pi tiku wilakgo kCentro de Detención lakgpalikgo xtapuwankan chu tlakg paxuwakgo akxni kalakgapaxialhnankanita, xlakata uma «kalimasiyani pi anankgo kkilhtin tiku xlikana kamakgtayaputunkgo».

Christopher Riddoch na wa pi diploma nema kamaxkika xtatayananin Jehová akgtum xlimasiyat xla tapaxtikatsinit xlakata «kamakgtayakgonit tiku wilakgo kCentro de Detención tlakg tlan nawan xlatamatkan». Alistalh wa pi xlakata xtatayananin Jehová lu liskujkgo natlawakgo uma, «lu tlan kalichuwinankan xfamiliajkan, xcongregacioneskan chu xtakanajlakan».

^ párr. 2 Kʼuma edificio tlan tanukgo asta 1,500 lakchixkuwin.