Ankan kxpulakni

Ankan xlipulaktiy niku tsuku

Xtatayananin Jehová

totonaco

«Wixin mastayatit lu tlan liʼakxilhtit»

«Wixin mastayatit lu tlan liʼakxilhtit»

ANTA kSaponara (Italia), xtatayananin Jehová makglhtinankgolh akgtum placa xlakata makgtayanankgolh akxni masputunalh chuchut kʼuma kachikin.

Kkata 2011, 22 xla noviembre chuchut masputulh makgapitsi kachikin nema wilakgolh kMesina. Uma katsisni, akxni tapaknalh makgnilh chatum aktsu kgawasa chu chatiy lakchixkuwin xalak Saponara.

Alistalh, xtatayananin Jehová lakkaxwilikgolh chu kamakaxkgolh tiku ankgolh makgtayanankgo xlakata xmapanukgolh putlun chu tuku xlaklanit anta niku lalh tuku nitlan.

Umakgolh grupos kamakgtayakgolh mapakgsinanin, xakstukan wankgolh pi xmakgtayanamputunkgo niku tlakg xtalakaskin chu chuntiya makgtayanankgolh maski ksputnita kilhtamaku akxni tlakg xtalakaskin. Chuna la xlilhuwa xtatayananin Jehová tiku ankgolh makgtayanankgo, makgapitsi 97 kilómetros xlimakgat ankgolh, max tipuxamakaw asta tatipuxam, akxni xmatlanikgo.

Lhuwa latamanin tiku xwilakgo niku xlanit tuku nitlan lu paxtikatsinikgolh tamakgtay nema mastakgolh xtatayananin Jehová. Makglhuwa, alcalde xwan: «Wixin mastayatit lu tlan liʼakxilhtit».

Akxni titaxtulh akgkitsis papaʼ, Fabio Vinci, kxtukuwani tiku pulalinkgo tamapakgsin, kamaxkilh akgtum placa niku limasiya pi xpaxtikatsinikgo tuku tlawakgolh xtatayananin Jehová xalak kachikin.