Ankan kxpulakni

Ankan xlipulaktiy niku tsuku

Xtatayananin Jehová

totonaco

Miles latamanin katsinikgo kgalhtawakgakgo chu tsokgnankgo

Miles latamanin katsinikgo kgalhtawakgakgo chu tsokgnankgo

Kata 2011, liwaka 5,700 latamanin litamakgtayakgolh xlakata xtatayananin Jehová masiyakgo la kgalhtawakgakan chu tsokgnankan.

Ghana.

Puxamakitsis kata nema titaxtunit, liwaka 9,000 ghaneses katsinikgonit kgalhtawakgakgo chu tsokgnankgo xlakata wa xtatayananin Jehová kamasiyanikgolh.

Zambia.

La kata 2002, max 12,000 latamanin tlakg katsinikgonit la nakgalhtawakgakgo chu natsokgnankgo. Chatum puskat tiku kgalhi 82 kata wanikan Agnes wan: «Akxni wanka kcongregación pi xʼamaka masiyakan letras, lu kpaxuwalh chu tunkun ktatsokgtawilalh. ¡Lu kpaxuwalh akxni kkatsinilh naktsokga kintukuwani xapulana kilhtamaku nema kkilalh!».

Perú.

Chatum tiku xmakgalhtawakgemaka nema xkgalhi 55 kata tsokgli: «Kinatlatni nikxni kimalakgachakgolh kʼescuela, wa xlakata xaklakpuwan pi nikxni xakama katsini kgalhtawakga chu ktsokgnan».

Mozambique.

Lata akgkukitsis kata nema titaxtunit kkamasiyaninitaw nakgalhtawakgakgo liwaka 19,000 latamanin. Chatum tiku xmakgalhtawakgemaka wanikan Felizarda wa: «Klipaxuwa xlakata la uku kkatsini putsa textos xalak Biblia chu kkalikgalhtawakgani latamanin. Xapulana lu tuwa xakmakgkatsi chuna naktlawa».

Islas Salomón.

Sucursal wan: «Makgasata, lhuwa latamanin tiku makgat xwilakgo nila xʼankgo escuela. Nachuna, kaj tsinu lakpuskatin tlan xʼankgo kʼescuela. Wa xlakata, lhuwa tiku linkgoya kata kamakgtayakgonit uma clases. Akxni kgalhsputa curso, xlakan tlakg kalipawankan».