Ankan kxpulakni

Ankan xlipulaktiy niku tsuku

Xtatayananin Jehová

totonaco

Kamasiyanikan xlakata Dios tiku tanumakgo kpulachin

Kamasiyanikan xlakata Dios tiku tanumakgo kpulachin

Chali chali, lhuwa tachin xla pulachin xalak Estados Unidos tsokgnankgo kxʼoficinaskan xtatayananin Jehová xlakata nakamasiyanikan xlakata Dios.

Wa xlakata, skinkan talakaskin xlakata congregaciones nema anta kalakgchan nakalakagapaxialhnankgo latamanin chu nakalimakgalhtawakgakgo Biblia. Ankgo kpulachin, khospitales, niku katamaknukanit tiku nina makgatsikgo akgkutsayan kata chu niku kamakgtayakan tiku nila makgxtakgkgo nitlan talismanin.

Wi niku ankgalhin tawila tamakxtumit. Akgtum liʼakxilhtit, akgtum taʼakgchuwin nema tamastalh kʼakgtiy patios xla akgtum pulachin kilakgolh 32 latamanin.

Lu tlan tuku kitaxtunit. Kpulachin xalak kachikin Indiana, chatum chixku tiku putum kilhtamaku xʼama tanu kpulachin xlakata xmakgninanit lhuwa lakgpalilh kxlatamat chu la uku xtatayana Jehová chu tamununit.

Chatum xtatayana Jehová makgalhtawakgelh chatum tachin tiku putum kilhtamaku xtanuma klanka pulachin xalak California chu tala lichuwinalh xlakata tiku xmakgalhtawakgama: «Liwana kkatsi la xlikatsi makgasa chu kakxilhnit la staktilhanit xtakanajla. Lakgpalilh xlatamat xlakata tlan xtamunulh».

Lhuwa makgamakglhtinankgonit tuku wan Biblia maski katuwa natawila xlatamatkan. Makgapitsi tiku xmakgtapakgsikgo kpandillas tanu kawilikanit o alakatanu kalinkan xlakata ni nakatlawanikan tuku nitlan.

Xlakata Biblia kalakgpalininit xlatamatkan kaks lilakawankgo tiku kuentajtlawakgo tachin. Makgapitsi xtatayananin Jehová makglhtinankgonit tuku kalilakgapaskan xlakata tlan tuku tlawakgo kpulachin.