Ankan kxpulakni

Ankan xlipulaktiy niku tsuku

Xtatayananin Jehová

totonaco

Xtatayananin Jehová tlakg lakapala pakskgo

Xtatayananin Jehová tlakg lakapala pakskgo

AUSTRALIA. «Xtatayananin Jehová tiku wilakgolh kʼhospitales chu ni lakaskinkgo nakawilinikan kgalhni xlakata xtakanajlakan tlakg lakapala pakskgo ni xtachuna amakgapitsi tiku na tatatlakgo», chuna lichuwinalh periódico The Sydney Morning Herald 2 xla octubre kata 2012.

Uma periódico na lichuwinalh makgalhtawakgena James Isbister, tiku xalak Escuela de Medicina de Sydney (Universidad xalak Sydney), wa: «Makgalhtawakgena Isbister wa pi makuchinanin tiku makuchikgolh xtatayananin Jehová chu ni limaklakaskinkgolh kgalhni tlakg tlan kakitaxtunilh. Xlakata ni kawilinika kgalhni, lhuwa tiku ni nikgolh chu tlakg lakapala pakskgolh chu ni makgas tamakgxtakgkgolh kʼhospital, na ni talakaskilh lhuwa kilhtamaku nakakuentajtlawakan, ni xtachuna la amakgapitsin tiku kawilinika kgalhni akxni kachukuka».

Ni kaj xakstu makuchina Isbister chuna wan. Revista Archives of Internal Medicine lichuwinalh 13 xla agosto kata 2012 xlakata xtatayananin Jehová tiku kachukuka kxnakujkan wa: «Xtatayananin Jehová tlakg tlan kakitaxtunilh chu ni lhuwa kilhtamaku tawilakgolh kʼhospital ni xtachuna tiku kawilinika kgalhni».