Ankan kxpulakni

Ankan xlipulaktiy niku tsuku

Xtatayananin Jehová

totonaco

Tamalakki malakcha «kChiwix»

Tamalakki malakcha «kChiwix»

Xtatayananin Jehová kgalhikgo 15 sucursales niku tlawakgo likgalhtawakga xlikalanka katiyatni. Akgtum wa kʼEuropa central, anta wi kSelters kʼAlemania, akgtum kachikin nema wanikan Steinfels, nema wamputun «Chiwix».

Kilhtamaku 23 asta 25 xla mayo kata 2014 uma sucursal malakkilh xlakata tlan xʼankgolh, empresarios chu mapakgsinanin xlakata tlan xlakgapasnankgolh. Kilhtamaku xlakata talakkilh malakcha talimapakuwilh «Puxamakaw kata kSelters» xlakata sucursal tamakamastanilh Jehová 21 xla abril kata 1984.

Liwaka 3,000 tiku kawanika kilakgolh. Chatum mapakgsina xla kachikin tiku mapakgsinama atsinu puxamakaw kata wa: «Lakgapaxialhnankan sucursales xla xtatayananin Jehová ankgalhin lu tlan kitaxtu. Klakapastakaku akxni lakapala tatlawalh kSteinfels lata kata 1979 chu 1984. ¡Lu kaks malakawaninan!»

¿Tuku na tlan xʼakxilhkan?

Xlakata uma kilhtamaku, talakkaxwililh tuku wanika «Xkachikin Jehová kʼEuropa central», lata 120 kata lata linkgo xtatayananin Jehová uma kachikin. Uma tuku xlakkaxwilikanit ankgalhin anta wi ksucursal.

Tiku kilakgolh na akxilhkgolh lhuwa lu xlakaskinka Biblias nema lu tanu xtasiyakgo. Na anta xwi maktum edición xla kata 1534 Biblia xamaktuminika kʼalemán chu ni xatakgatsin Biblia kʼPolíglota nema kgalhi 12 tachuwin xla Elias Hutter, tlawaka kata 1599. Na xwilikanit dibujos chu videos nema xmasiya pi lu makgtayanan xtastakyaw Biblia la uku.

Tiku kilakgolh tlan xʼakstukan paxialhnankgolh xlakata xkatsikgolh tuku tlawakgo chali chali liwaka mil tiku anta wilakgolh chu skujkgo. Xapulana xwanikan «La kwilaw», chu tlan akxilhkgolh cuartos xla makgapitsi tiku anta wilakgolh, wayankgolh kcomedor chu latapulikgolh kjardín. Chatum puskat tiku kilalh wa: «Unu lu stlan tasiya».

Chu atanu xwanikan, «Imprenta» masiyalh niku xʼimprimirlinankan, encuardernalikan libros chu niku wi Departamento xla Envíos. Tiku kilakgolh akxilhkgolh la tlawakan likgalhtawakga xalak Biblia chu malakgachakan kliwaka 50 países. Chatum chixku wa: «Nikxni xaklakpuwanit pi xtatayananin Jehová talakkaxwilikgonit xlikalanka katiyatni. Xlibroskan chan xlikalanka katiyatni. Nila takanajla pi uma taskujut kaj xatapaxuwan tiku tlawakgo».

Tiku kilakgolh akxilhmakgolh sitio xla Internet jw.org

Tuku tlakg lakgatikgolh wa niku xmasiyakan xlakata jw.org, sitio oficial xla Internet xla xtatayananin Jehová. Tiku lakgkgawasanku chu tiku xlinkgoya kata tlan akxilhkgolh videos nema xtlawakanit chu atanu videos, chu kakgalhtika lhuwa xtakgalhskininkan nema tlawakgolh.

Xlakata uma tuku masiyaka la tlawakgo xtaskujutkan xtatayananin Jehová, lu paxuwakgo taspitkgolh chu wankgolh tuku xmakgkatsikgo xlakata taskujut nema tatlawa kʼuma sucursal. Chatum wa: «¡Lu xaktaʼakgskgawinit! Tuku klakpuwan xlakata xtatayananin Jehová talakgpalilh». Chu chatum puskat makglhuwa wa: «Uma kilhtamaku talakgpalilh tuku nitlan xakkalakpuwani».

^ párr. 17 (La xlilhuwa kata 2014)

^ párr. 21 (La xlilhuwa kata 2014)

^ párr. 24 (La xlilhuwa kata 2014)