Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Xtatayananin Jehová na kstalaninanin Cristo?

¿Xtatayananin Jehová na kstalaninanin Cristo?

Chuna, kstalaninanin Cristo akinin. Unu talichuwinan tuku limasiya pi chuna:

  • Kliskujaw xlakata nakstalaniyaw tuku tlawalh Jesús chu klilatamayaw tuku masiyalh (1 Pedro 2:21).

  • Kkanajlayaw pi wi tuku lu xlakaskinka tlawalh xlakata nalakgtaxtuyaw xlakata, «ni anan akgtum ntapakuwit kxtampin akgapun ntamaxkikgonit nchixkuwin lantla naliakgaputaxtuyaw» (Hechos 4:12).

  • Akxni xtatayananin Jehová kwanaw, ktamunuyaw kxtukuwani Jesús (Mateo 28:18, 19).

  • Ktlawayaw oración kxtukuwani Jesús (Juan 15:16).

  • Kkanajlayaw pi Jesús wa xakgxakga putum lakchixkuwin (1 Corintios 11:3).

Pero wi tuku tanu kinkatlawayan xlakata tiku wankgo pi na kstalaninanin Cristo. Akgtum liʼakxilhtit, kkatsinitaw pi Biblia masiya pi Jesús wa xKgawasa Dios chu ni akgtum Trinidad (Marcos 12:29). Nachuna, ni kkanajlayaw pi wi tuku kgalhiyaw nema ni niy chu na ni kkanajlayaw pi Dios kamapatini latamanin kpupatin chu na ni kkanajlayaw pi tiku pulalinkgo takanajla nakgalhikgo akgtum tukuwani nema nakalimalankikan (Eclesiastés 9:5; Ezequiel 18:4; Mateo 23:8-10).