Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Tuku xlakata ni ankgo kʼguerra?

¿Tuku xlakata ni ankgo kʼguerra?

Wa uma tuku xlakata xtatayananin Jehová ni kkanaw kʼguerra:

  1. Chuna limapakgsinan Dios. Biblia lichuwinalh pi xlakskujnin Dios «namastalankikgo [o namalakgskupakgo] xʼespadajkan chu nalitlawakgo arado» chu nialh natlawakgo guerra (Isaías 2:4).

  2. Chuna mapakgsinalh Jesús. Wa uma tuku Jesús limapakgsilh apóstol Pedro: «Kamanu minkuchilu [o espada] kxputanun, xampi xlipaks wa nti nkuchilu xlimakapawankgolh, na wa nkuchilu nalinikgoy» (Mateo 26:52). Chuna la wanilh, Jesús liwana masiyalh pi kstalaninanin ni x’amakgo makgninankgo.

    Jesús na kawanilh kstalaninanin pi «ni katuxawat ntapakgsikgoy». Wa xlakata ni xlimakgtanutkan kpolítica (Juan 17:16). Na nitlan nata’akglhuwikgo akxni soldados tlawakgo guerra chu na ni kawanikgo amakgapitsin pi ni soldados kawankgolh.

  3. Kstalaninanin Cristo xlipaxkitkan xtalatamatkan. Jesús kawanilh kstalaninanin: «Limapakgsin xasasti kkamakgaxtakgniyan: Kalapaxkitit nchatunu chatunu» (Juan 13:34, 35). Xaxlikana kstalaninanin Cristo la linatalan la’akxilha xlikalanka katiyatni chu nikxni katilamakgnilh (1 Juan 3:10-12).

  4. Xapulana kstalaninanin Cristo ni x’ankgo k’guerra. Maktum libro wan pi «xapulana kstalaninanin Cristo ni xtatayakgo guerra chu ni soldados xwankgo», xlakata xkatsikgo pi uma «ni xtachuna xwanit tuku masiyalh Jesús niku xwan pi xkapaxkikgolh xtalatlawananin» (Encyclopedia of Religion and War). Chu kxlibro Historia de la decadencia y caída del Imperio romano, historiador británico Edward Gibbon wan: «Kstalaninanin Cristo nila soldados xwankgolh [...] chu xmakgxtakgkgolh tuku lu xasanto».

Makgtayananaw xlakata putum tlan natawilakgo

Xtatayananin Jehová makgtayananaw kkachikin chu ni kkatlawaniyaw tuku nitlan kpaís niku lamaw. Kamaxkiyaw kakni mapakgsinanin chu chuna kgalhakgaxmataw umakgolh limapakgsin xalak Biblia.

  • «[Mi]lilakgachixkuwitkan mapakgsinanin.» (Romanos 13:1.)

  • «Kaxokgonitit [...] César, wan ntu xla César, na wa Dios lakgchan wa xla Dios.» (Mateo 22:21.)

Wa xlakata kgalhakgaxmataw limapakgsin, xokgoyaw impuestos chu kamakgtayayaw mapakgsinanin tuku kinkawanikgoyan xlakata tlan natawila kachikin.