Ankan kxpulakni

Ankan xlipulaktiy niku tsuku

Xtatayananin Jehová

totonaco

¿Lakgpalikgonit Biblia xtatayananin Jehová xlakata xtachuna nawan la kanajlakgo?

¿Lakgpalikgonit Biblia xtatayananin Jehová xlakata xtachuna nawan la kanajlakgo?

Ni chuna ktlawamaw. Wata akxni kakxilhnitaw pi tuku kkanajlayaw ni xtachuna tuku masiya Biblia, klakgpaliyaw tuku kkanajlayaw.

Putum tuku kkanajlayaw anta takilhti kxTachuwin Dios. Chu maski kkata 1950 ktsukuw maklakaskinaw Traducción del Nuevo Mundo de las Santas Escrituras, akxni nina xchan uma kata liwana xaklikgalhtawayaw Biblia. Akxni chuna xaktlawayaw xakmaklakaskinaw amakgapitsi biblias nema xʼanankgo. Kaʼakxilhwi makgapitsi tuku xakkanajlayaw akxni nina xakkgalhiyaw Biblia Traducción del Nuevo Mundo. Wix kaʼakxilhti komo tatalakxtumi tuku masiya Biblia.

  1. Tuku kkanajlayaw: Dios ni akgtum Trinidad. Revista Zion’s Watch Tower (la uku wanikan kxatotonaco Makatsinina) xla julio kata 1882 wa: «Tiku likgalhtawakgakgo uma revista katsikgo pi maski kkanajlaniyaw Jehová Dios, Jesús chu espíritu santo, ni kkanajlayaw tamasiy pi kgalhtutu dioses kaj chatum, o chuna la wankgo amakgapitsi, chatum Dios kgalhtutu litaxtu, xlakata uma takanajla ni chuna masiya Biblia.

    Tuku masiya Biblia: «Jehová kiDioskan, Jehová kaj chatum» (Deuteronomio 6:4, Reina-Valera [RV], 1865). «Kaj chatum Dios wi, xaTlat, wa tiku tlawalh putum tuku anan, wa lilamaw; chu kaj chatum Malana, Jesucristo.» (1 Corintios 8:6, RV, 1865; tatsokgni xala uku.) Jesús wa: «Xatlat tlakg lanka nixawa akit» (Juan 14:28, Torres Amat, 1823).

  2. Tuku kkanajlayaw: tiku lixkajni likatsikgo ni putum kilhtamaku kamapatinikan kpupatin. Revista Zion’s Watch Tower xla junio kata 1882 xlimin artículo nema xwan «Tuku litaxokgo talakgalhin wan linin». Chuna la wan uma tachuwin, nema xtakilhtinit kRomanos 6:23, artículo xwan: «¡Lu liwana taʼakgatekgsa uma tachuwin chu ni laktuwa! Lu nitlan xlakata lhuwa latamanin tiku wankgo pi Biblia wa xtachuwin Dios nila kanajlakgo tuku wan Biblia; kanajlakgo chu liwana wankgo pi Biblia masiya pi tuku litaxokgo talakgalhin wa latamat putum kilhtamaku anta kpupatin».

    Tuku masiya Biblia: «Tiku nalakgalhinan, wa nani» (Ezequiel 18:4, 20, RV, 1865). Tuku nakalimalakgaxokgekan xtalatlawananin Dios ni wa tapatin putum kilhtamaku anta kpupatin, wa «putum kilhtamaku nakamasputukan» chuna la wan Biblia Nácar-Colunga xla kata 1944 2 Tesalonicenses 1:9.

  3. Tuku kkanajlayaw: pi xTamapakgsin Dios akgtum tamapakgsin, ni kaj wa tuku wi knakuj. Revista Zion’s Watch Tower xla diciembre kata 1881 chuna wa xlakata xTamapakgsin Dios: «Akxni natawila uma tamapakgsin, kilhchanima pi nakamasputukan putum tamapakgsin kKatiyatni».

    Tuku masiya Biblia: «Xkilhtamaku amakgolh tamapakgsin Dios xalak akgapun nawili akgtum tamapakgsin, nema nikxni katimasputuka, chu tamapakgsin ni katimatitaxtika atanu kachikin: wata nakalaktukxa chu nakamasputu putum tamapakgsin; chu xla nikxni katisputli» (Daniel 2:44, Scío de San Miguel, 1850; tatsokgni xala uku).

¿Kaj wa Traducción del Nuevo Mundo de las Santas Escrituras nema tataya xtakanajlakan xtatayananin Jehová?

Ni, xtatayananin Jehová chuntiya kmaklakaskinaw atanu traducciones xla Biblia xlakata nakmasiyayaw kintakanajlakan. Xlikana pi akxni wi tiku kmalaknuniyaw akgtum takgalhtawakga nema ni taxokgo na kmalaknuniyaw maktum Traducción del Nuevo Mundo de las Santas Escrituras.

Pero komo wi tiku lakaskin namakgalhtawakgekan chu maklakaskin atanu Biblia, ni klisitsiyaw.