Ankan kxpulakni

Ankan xlipulaktiy niku tsuku

Xtatayananin Jehová

totonaco

¿La xlilhuwa xtatayananin Jehová wilakgolh xlikalanka Katiyatni?

¿La xlilhuwa xtatayananin Jehová wilakgolh xlikalanka Katiyatni?

La talichuwinalh Dios kata 2017

La xlilhuwa xtatayananin Jehová xlikalanka Katiyatni

8,457,107

Congregaciones

120,053

Países niku lichuwinankgo Dios xtatayananin Jehová

240

¿La katsiyatit la mililhuwakan?

Kajwatiya xtatayananin Jehová kkalimaxtuyaw tiku lichuwinankgo xalakwan tamakatsinin xla xTamapakgsin Dios akgatunu papaʼ (Mateo 24:14). Nachuna tiku tamunukgonit o nina tamunukgo pero lichuwinankgoya Dios.

¿Xlixokgot chatum lataman xlakata namakgtapakgsi ktakanajla?

Ni. Ni talakaskin namasta tumin xlakata xtatayana Jehová nalitaxtu o xlakata wi tuku nalakgayawakan kkintakanajlakan (Hechos 8:18-20). Atsinu ni putum tumin nema xatapaxuwan mastakan, ni takatsi tiku maskiwinalh. Chatunu xtatayana Jehová maskiwinan xkilhtamaku, xlitliwakga chu tuku kgalhi xlakata namakgtayanan ktaskujut nema tlawakan kxlikalanka katiyatni, chu masta chuna la lakaskin chu matlani (2 Corintios 9:7).

¿La katsiyatit la xlilhuwa xlikana lichuwinamakgo Dios?

Akgatunu papaʼ, xtatayananin Jehová makatsininankgo kxcongregacionkan la xlilhuwa horas lichuwinankgolh Dios. Uma ni fuerza kaskinikan namastakgo.

Informes nema mastakan makxtum katlawakan chu akxni putum kaputlakgakanit, kamalakgachakan ksucursal niku tapakgsikgo. Sucursal malakgacha informe xla akgatunu país o kachikin anta niku pulalinkan xtaskujut Jehová.

Akxni titaxtu akgtum kata la talichuwinalh Dios, * katsikan la xlilhuwa xtatayananin Jehová kgalhi akgatunu país. Umakgolh makxtum katlawakan xlakata natakatsi la xlilhuwa xtatayananin Jehová wilakgolh kxlikalanka katiyatni. Chuna la xlilhuwa wilakgolh kʼakgatunu país chu akgatunu experiencias nema titaxtukan akxni lichuwinankan Dios, talichuwinan kʼAnuario de los testigos de Jehová. Umakgolh kinkamatliwakglhan chuna la kamatliwakglhli xapulana kstalaninanin Cristo (Hechos 2:41; 4:4; 15:3).

¿Na anta makgtanumakgolh tiku na kamasiyanikan xlakata Biblia pero ni lichuwinankgo Dios?

Maski ni anta makgtanumakgolh kkamakgamakglhtinanaw kkintamakxtumitkan. Atsinu ni putum umakgolh ankgo akxni lakapastakkan akxni tinilh Cristo, wa xlakata tlan katsiyaw la xlilhuwakan komo tamalakxtumiyaw la xlilhuwa xtatayananin Jehová chu la xlilhuwa anka kʼuma tamakxtumit. Kata 2017 kilakgolh 20,175,477 latamanin akxni talakapastakli akxni tinilh Cristo.

Lhuwa tiku ni kilakgo kkintamakxtumitkan, kalimakgalhtawakgekan Biblia kxchikkan. Kata 2017 kalimakgalhtawakgeka Biblia 10,071,524 latamanin akgatunu papaʼ, makgapitsi akxtum kamakgalhtawakgeka latamanin.

¿Tuku xlakata mapakgsinanin wankgo pi wixin tlakg lhuwa nixawa la wanatit?

Xʼoficinas mapakgsinanin kakgalhskinkgo tuku max takanajla lakgatikgo makgapitsi latamanin. Akgtum liʼakxilhtit, kʼEstados Unidos oficina nema tlawa censo wan pi kakgalhskin latamanin, komo xlakan lakpuwankgo pi makgtapakgsikgo kʼakgtum takanajla chu na wan pi tsokgkan maski ni makgtapakgsikgo. Pero akinin kajwatiya kkalimaxtuyaw xtatayananin Jehová tiku lichuwinankgo Dios chu mastakgo xʼinformejkan, pero ni kkalimanuyaw tiku kaj wankgo pi xtatayananin Jehová.

^ párr. 16 Akgtum kata la talichuwinan Dios kilhchani 1 xla septiembre asta 31 xla agosto xla atanu kata. Akgtum liʼakxilhtit, kata 2015 litsukulh 1 xla septiembre kata 2014 asta 31 xla agosto kata 2015.