Ankan kxpulakni

Xtatayananin Jehová

Laksakkan tachuwin totonaco

¿La kmakgalhtawakgananaw?

¿La kmakgalhtawakgananaw?

Ktakgalhtawakga nema mastakgo xtatayananin Jehová takgalhti lhuwa takgalhskinin, la umakgolh:

  • ¿Tiku Dios?

  • ¿Xlikana kimpaxki Dios?

  • ¿La tlan nakmatliwakglha kintamakgaxtokgat?

  • ¿La tlan nakpaxuwa kkilatamat?

La uku namastayaw xtakgalhtin takgalhskinin nema tlakg tlawakan xlakata takgalhtawakga nema kmastayaw.

¿La kmakgalhtawakgananaw? Klikgalhtawakgayaw pulakatunu temas xalak Biblia. Akgtum liʼakxilhtit, komo klikgalhtawakgayaw xlakata «Dios» o xlakata «tamakgaxtokgat» kakxilhaw versículos nema lichuwinankgo uma tema. Akxni kkatamalakxtumiyaw, kakxilhaw tuku Biblia limasiya xlakata uma, chu komo ni kʼakgatekgsaw akgtum texto, Biblia kinkawaniyan tuku wamputun.

Akxni kkgalhtawakgayaw klimaklakaskinaw libro ¿Tuku xlikana masiyay Biblia?, xlakata lu makgtayanan. Liwana lichuwinan tuku Biblia wan xlakata Dios, Jesús, xlakata kilhtamaku nema aku mima chu xlakata pulaklhuwa temas.

¿La xlilhuwa xokgokan takgalhtawakga? Ni taxokgo, chu ni kstayaw likgalhtawakga nema kmaklakaskinaw.

¿La xlilhuwa makgapala akgatunu takgalhtawakga? Lhuwa kgalhtawakgakgo max akgtum hora akgatunu semana. Pero tlan natalakgpali tsinu. Namakgapala chuna la wix nalakaskina.

¿Tuku nala komo nakskin akgtum takgalhtawakga xalak Biblia? Chatum xtatayana Jehová nalakgapaxialhnan kkilhtamaku chu niku wix namatlaniya chuna namasiyaniyan la tatlawa takgalhtawakga. Komo nalakgatiya chu nalakaskina namakgalhtawakgakana, nalakgamparayan.

Komo kmakgamakglhtinan akgtum takgalhtawakga xalak Biblia, ¿xtatayana Jehová kiliwanat? Ni, akinin xtatayananin Jehová lu klakgatiyaw kkamasiyaniyaw xlakata Biblia amakgapitsin, chu ni fuerza kkawaniyaw namakgtapakgsikgo kkincongregacionkan. Wata liwana kkamasiyaniyaw tuku wan Biblia, xlakata kkatsiyaw pi xlakan xlilaksakatkan tuku nakanajlakgo (1 Pedro 3:15).