Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TAKILHTLIN 17

«Klakaskin»

Kalaksakti akgtum grabación nema takgaxmata
«Klakaskin»

(Lucas 5:13)

  1. 1. Jesús lu stlan xtayat xkgalhi

    limasiyalh pi xpaxkinan.

    Xatalakgalhaman

    kamakgtayakgolh

    putum tiku xtatatlakgo.

    Cristo tlawalh tuku xatlan

    kamaxkilh tu xkamakgtaya.

    Xatapaxuwan tlawalh xtaskujut

    chu xla xkgalhtinan: «Klakaskin».

  2. 2. Tlan xtapaxkit kkgalhiputun

    wantuku xatlan naktlawa.

    Nakkalakgalhaman

    chuna la Jesús

    chuna nakkamasiyani.

    Natalan nakkatalalin

    chu tlan nakkalikatsini.

    Komo ti naskin pi kakmakgtayalh

    akit nakkgalhti: «Klakaskin».