Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Diciembre kata 2015

 TUKU WI KXMAKNI | PUTUM TLAN AKGATEKGSAW BIBLIA

¿Xlakaskinka likgalhtawakgakan Biblia?

¿Xlakaskinka likgalhtawakgakan Biblia?

«Biblia makgtum libro xla takanajla nema lu lakgapaskan. Pero chinos ni xlakaskinka akxilhkgo.» (LIN, XALAK CHINA)

«Nila kʼakgatekgsa xasanto libros xla kintakanajla hindú. Wa xlakata, ¿la tlan nakʼakgatekgsa xasanto Biblia?» (AMIT, XALAK INDIA)

«Lu xlakaskinka kakxilha Biblia xlakata maktum xamakgan libro chu kkatsi pi lhuwa tamawakan. Pero akit nikxni kakxilhnit maktum.» (YUMIKO, XALAK JAPÓN)

Xlikalanka katiyatni lhuwa tiku lu xlakaskinka akxilhkgo Biblia. Pero lhuwa kaj tsinu o ni para tsinu katsikgo tuku wan. Chuna wilakgolh lhuwa latamanin tiku xalak Asia, pero nachuna lhuwa xlikalanka katiyatni niku Biblia lu tamakgpitsinit.

Pero, tlan nakgalhskinkana, ¿tuku xlakata naklikgalhtawakgaputun Biblia? Tuku wan uma xasanto libro namakgtayayan xlakata:

  • Natekgsa tapaxuwan

  • Nalakkaxtlawaya taʼakglhuwit kfamilia

  • Tayanikan talakgaputsit

  • Makgtayanan la katalalinkan amakgapitsin

  • Liwana maklakaskinkan tumin

Kawiliw akgtum liʼakxilhtit, Yoshiko, xalak Japón katsiputulh tuku xlichuwinan Biblia chu lakpuwa pi xakstu xʼama likgalhtawakga. ¿Tuku katsinilh? Xla wan: «Biblia kimakgtayalh xlakata naktekgsa tuku xlakata lamaw chu kimaxkilh akgtum takgalhkgalhin chu nialh nikxni kmakgkatsilh pi nitu klitaxtu». Amit tiku lichuwinaw pulana, laksakli xakstu nalikgalhtawakga Biblia xla wan: «Kaks klilakawa, Biblia limin tastakyaw nema putum kinkamakgtayayan».

Biblia kamakgtayanit lhuwa millones latamanin. ¿Tuku xlakata ni likgalhtawakgaya chu naʼakxilha la namakgtayayan?