Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Noviembre kata 2015

 TUKU WI KXMAKNI

¿Tuku lakpuwan Dios xlakata guerras?

¿Tuku lakpuwan Dios xlakata guerras?

Lhuwa latamanin lakpuwankgo pi Dios tlan akxilha guerras, makgasa kamalakgachalh kskujnin pi na xmakgtlawakgolh makgapitsi guerra, xlakata chuna wan Biblia. Pero nachuna, wi tiku katsikgo pi Jesucristo, xKgawasa Dios, kamasiyanilh kstalaninanin nakapaxkikgo xtalatlawanakan (Mateo 5:43, 44). Lakpuwankgo pi Dios lakgpalilh tuku lakpuwan xlakata uma chu la uku ni lakgati.

Pero ¿tataya Dios guerras o ni? Komo chuna, ¿tiku katataya kʼguerras nema anan uku? Katsikan xtakgalhtin umakgolh takgalhskinin nalakgpali la akxilha guerras. Akgtum liʼakxilhtit, komo xkatsi pi Dios ni kajwatiya tlan akxilha akgtum guerra wata na kamakgtayama tiku wix tatayaya, max xwanti pi uma guerra tlan, chu natlajanan tiku katatayaya. Pero ¿komo xkatsi pi Dios kamakgtayamakgolh mintalatlawana? ¿Xlakgpali la akxilha guerras?

Pero wi atanu xlakata uma. Katsikan la akxilha Dios guerras nalakgpali la lakpuwana xlakata Dios. ¿Tuku xlakata chuna wanaw? Komo na patinanita xlakata guerras chuna la lhuwa millones latamanin, max katsiputuna komo xkuenta Dios xlakata mastanit talakaskin chu na makgtlawama tapatin nema limin. O max nakgalhskinkana komo kaʼakxilha tiku patinamakgolh.

Max kaks nalilakawana akxni nakatsiya tuku wan Biblia ni tatalakxtumi uma talakapastakni. Nachuna, wan pi Dios ni talakgpalinit xtalakapastakni xlakata uma tema. Kaʼakxilhwi tuku wan Biblia xlakata tuku xlakpuwan Dios xlakata guerras xalamakgasa chu akxni Jesús latamalh kKatiyatni. Uma nakinkamakgtayayan naʼakgatekgsaw tuku lakpuwan Dios xlakata guerras nema anan uku, nachuna nakatsiyaw komo naʼanan guerras kilhtamaku nema aku mima.