Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Octubre kata 2015

 TUKU WI KXMAKNI | ¿MAKGTAYANAN ORACIÓN?

¿Tuku xlakata latamanin tlawakgo oración?

¿Tuku xlakata latamanin tlawakgo oración?

«Kaj takgaman xaklilama. Xaktlawa oración xlakata xaktlajalh lhuwa tumin. Nikxni chuna kgantaxtulh.» (Samuel, * Kenia)

«Kʼescuela kaj watiya xakkatsiniyaw makgapitsi oraciones chu ni kaj xaklikgalhtawakgaw.» (Teresa, Filipinas)

«Ktlawa oración akxni kgalhi taʼakglhuwit. Nachuna xlakata nakskini pi kakintapatilh xlakata kintalakgalhin chu tlan kstalanina Cristo nakwan.» (Magdalene, Ghana)

Tuku wan Samuel, Teresa chu Magdalene limasiya tipalhuwa tuku xlakata tlawakgo oración, ni lakxtum tuku skinkgo. Makgapitsi oraciones taxtuyacha kxnaku chu makgapitsi watiya wankgo chu nitu makgkatsikgo. Pero makgapitsi tlawakgo oración, xlakata tlan nakitaxtu kxʼexamen, skinkgo pi katlajanalh kxʼequipo nema tlakg lakgati, tlan kakakitaxtunilh xfamilia o atanu, millones latamanin makgkatsikgo pi xlitlawatkan oración. Akxni kakgalhskinka litasiyalh pi asta tiku ni makgtapakgsikgo kʼakgtum takanajla na tlawakgo oración.

¿Tlawaya oración? Komo chuna, ¿tuku skina? Maski lismaninita tlawaya oración o ni, max nakgalhskinkana: ¿Xlikana wi tuku kinkalimakgtayayan? ¿Wi tiku kgaxmatma oración? Chatum tsokgna wa xlakata oración «kajwatiya tlan mamakgkatsininan [...] xtachuna kgalhikan tantum skiti chu natachuwinana». Makgapitsi makuchinanin nachuna lakpuwankgo, wankgo pi oración la «atanu likuchun». ¿Tuku wix lakpuwana? ¿Tlawakgo oración kaj xlakata chuna lismaninit o amakgapitsin, tlawakgo kaj xlakata wi tuku tlan namamakgkatsini?

Biblia nichuna masiya. Wan pi oración ni kaj watiya tlan mamakgkatsininan. Wan pi wi tiku kgaxmata oraciones chuna la xlilat chu xlikana tuku maklakaskinaw. ¿Xlikana uma? Kakxilhwi tuku xlakata chuna tawan.

^ párr. 3 Makgapitsi tukuwani kalakgpalikanit.