Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Octubre kata 2015

Takgalhskinin xlakata Biblia

Takgalhskinin xlakata Biblia

¿Tlan namalakgsputukan tatsinkstat xlikalanka katiyatni?

¿La namasputu Dios tatsinkstat xlikalanka katiyatni? (Mateo 6:9, 10)

Millones latamanin nikgo akgatunu kata xlakata ni tu wakgo chu xlakata tajatat nema kgalhikgo xlakata lhuwa tatsinkstat anan. Maski anan lhuwa países nema kgalhikgo lhuwa tumin, pero lhuwa latamanin nitu kgalhikgo. Biblia wan pi tatsinkstat putum kilhtamaku ananit. (Kalikgalhtawakga Juan 12:8.)

Xlakata namasputukan tatsinkstat talakaskin namapakgsinan chatum mapakgsina xlikalanka katiyatni chu liwana namapitsi putum tuku anan. Uma mapakgsina na namasputu guerras, nema tlawa pi kaʼanalh tatsinkstat. Wa uma mapakgsina nema Dios malaknu. (Kalikgalhtawakga Daniel 2:44.)

¿Tiku tlan namalakgsputu tatsinkstat?

Dios laksaknit xKgawasa, Jesucristo, xlakata nakamapakgsi latamanin (Salmo 2:4-8). Jesús nakamakgtaya tiku ni kgalhikgo tuku nawakgo chu namalakgsputu tiku nitlan kalikatsini chu tiku tlawakgo tuku nitlan. (Kalikgalhtawakga Salmo 72:8, 12-14.)

Jesucristo, xla «xaPuxku tiku masputu Taʼakglhuwit», natlawa pi xlikalanka katiyatni naʼanan takaksni chu nitu katimakgapekuan. Chuna, putum latamanin nakgalhikgo xchikkan, taskujut chu lhuwa liwat naʼanan. (Kalikgalhtawakga Isaías 9:6, 7; 65:21-23.)