Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Septiembre kata 2015

Takgalhskinin xlakata Biblia

Takgalhskinin xlakata Biblia

¿Tuku xlakata tsokgwilikanit kBiblia tuku aku nala?

¿Tuku xlakata lichuwinan Biblia putum tuku lama la uku? (Lucas 21:10, 11)

Anta kBiblia tekgsaw tuku liwana lichuwinankan lhuwa tuku aku nala. Nipara chatum lataman tlan liwana nawan tuku aku nala. Wa xlakata, liwana kinkamakanajliyan pi Biblia xTachuwin Dios xlakata kgantaxtunit putum tuku lichuwinan. (Kalikgalhtawakga Josué 23:14; 2 Pedro 1:20, 21.)

Tuku kgantaxtunita nema lichuwinan Biblia kinkamakgtayayan xlakata nalipawanaw Dios (Hebreos 11:1). Na kinkamakanajliyan pi tuku malaknu Dios xlikana nakgantaxtu. Wa xlakata, tuku wan Biblia pi nala kinkamaxkiyan takgalhkgalhin. (Kalikgalhtawakga Salmo 37:29; Romanos 15:4.)

¿La kinkamakgtayayan tuku wankanit pi nala?

Wi tuku wankanit pi nala nema wi tuku kamatlawi kstalaninanin Cristo. Akgtum liʼakxilhtit, akxni kstalaninanin Cristo xapulana siglo akxilhkgolh pi xkgantaxtuma makgapitsi tuku xlichuwinankanit, taxtukgolh Jerusalén. Alistalh, akxni masputuka kachikin xlakata atsinu ni putum latamanin lakgmakgankgolh tuku wa Jesús, kstalaninanin makgata xʼankgonit chu xlakgtaxtukgonita. (Kalikgalhtawakga Lucas 21:20-22.)

Tuku kgantaxtukgonita asta la uku nema xwankanit pi nala limasiya pi xTamapakgsin Dios nialh makgas nakamasputu xtamapakgsinkan latamanin (Daniel 2:44; Lucas 21:31). Uku na lu xlakaskinka pi kinchatunukan wi tuku kilitlawatkan xlakata tlan nakinkaʼakxilhan xmapakgsina Dios, Jesucristo. (Kalikgalhtawakga Lucas 21:34-36.)