Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  Julio kata 2015

 LICHUWINAN TUKU WI KXMAKNI REVISTA | LA TLAN NIALH LU NALAKGAPUTSAKAN

Lilakgaputsakan familia

Lilakgaputsakan familia

«Akxni aku xninit kintlat, kinchixku kiwanilh pi xkgalhi atanu puskat. Chu akgtum kilhtamaku, alh chu ni wa pi xʼama, lilh xlhakgat chu kintaʼakgxtakgwililh chatiy kinkamanan.» Maski Janet tekgsli taskujut, ni xakchani tuku xtlaja. Pero ni kaj tumin, ni akchani. Janet wan: «Lu xkimakgatlakgwan xlakata lu xaklilakgaputsa la naktlawa xlakata nakmakgantaxti tuku xaklakgaya. Lu nitlan xaklimakgkatsi xlakata nila xakkamaxki kinkamanan tuku amakgapitsi natlatni xkamaxkikgo xkamanankan. La uku chuntiya klilakgaputsa la kilakapastaknikgo chu kinkamanan. ¿Nalakpuwankgo pi nitu ktlawalh xlakata ni xlakxlalh kintamakgaxtokgat?»

Janet

Oración makgtayalh Janet xlakata ni lu xlakgaputsalh, tlakg xlakgtalakatsuwilh Dios. «Katsisni tlakg nitlan kmakgkatsi. Akxni katsiliswa, kaj wa klakapastaka tuku nitlan. Akxni ktlawa oración chu klikgalhtawakga Biblia kimakgtaya xlakata tlan naklhtata. Akgtum texto nema tlakg klakgati wa Filipenses 4:6 chu 7, nema wan: “Nitu xatu ntu ntililakgaputsayatit; chi wampi wata paks kamasiyutit kxlakatin Dios wa ntu lakaskinatit kmioracionkan, chu lantla mpala tu nalixakgatlilakapinatit, su naskinatit, na natamastayatit mpaxkatsinit”. Lhuwa tsisni tantaskaka ktlawanit oración chu kmakgkatsinit la Jehová tlan kimamakgkatsini.»

Tuku Jesús wa lichuwinalh xlakata oración anta kTaʼakgchuwin xalak Sipi nakinkamakgtayayan akxni katuwa tuku lilakgaputsayaw. Xla wa: «MinTIatkan nkatsiy xla ntu lakaskinatit, asta akxni wixin ni askiniyatit» (Mateo 6:8). Maski chuna, Dios lakaskin pi naskiniyaw. Kalakapastakwi pi oración nema lilakgtalakatsuwiyaw Dios. ¿Tuku xlakata chuna tatlawa? Biblia wan: «Xla na nakatalakatsuwiniyan» (Santiago 4:8).

Oración ni kajwatiya makgtayanan xlakata nawaniyaw  Jehová tuku makgkatsiyaw. Xlakata xla «xkgaxmatna oración» na kakuentajtlawa tiku lipawankgo (Salmo 65:2). Wa xlakata, Jesús kamasiyanilh kstalaninanin pi «oración, mpi xlakaskinka xlitatlawat ankgalhin, wampi ni naxlajwanankgoy» (Lucas 18:1). Chuntiya kaskiniw pi kakinkapulalin Dios chu xtamakgtay, chu liwana katsiyaw pi nakinkakgalhtiyan. Nikxni kalakpuwaw pi ni kinkamakgtayaputunan chu nichuna katitlawalh. Komo lhuwa natlawaniyaw oración, limasiyayaw pi lipawanaw Dios chu pi kanajlaniyaw (1 Tesalonicenses 5:17).

¿TUKU WAMPUTUN KGALHIKAN TAKANAJLA?

Xlakata nakanajlaniyaw Dios talakaskin liwana nalakgapasaw (Juan 17:3). Akxni likgalhtawakgayaw Biblia katsiyaw la likatsi chu tuku lakpuwan. Nachuna, katsiyaw pi xla kinkalilakgaputsayan. Ni kaj watiya talakaskin pi nalakgapasaw Dios. Kililakgapasatkan chuna la chatum amigo tiku liwana lakgapasaw. Katsiyaw pi tiku tlan natalalipina ni lakapala chuna kitaxtu; titaxtu lhuwa kilhtamaku. Nachuna, kintakanajlakan chu la lipawanaw Dios tlakg staktilha chuna la tlakg lakgapasaw, tsukuyaw tlawayaw tuku xla lakgati chu makgkatsiyaw la kinkamakgtayayan (2 Corintios 10:15; Juan 8:29). La uma takanajla, Janet makgtaya natayani tuku lilakgaputsa.

Janet wan: «kakxilha la Jehová kinkakuentajtlawanitan putum uma kilhtamaku kimakgtayanit xlakata nakgalhi takanajla. Lhuwa tuku kinkaʼakgspulan tuku nitlan xtasiya pi nila xakamaw tayaniyaw. Lata lhuwa oraciones ktlawaw, Jehová xkinkamakgtayayan nipara tsinu chuna la xaklakpuwanit. Makgatunu akxni tlawani oración xlakata nakpaxtikatsini, klakapastaka putum tuku tlawanit kimpalakata. Kimakgtaya putum kilhtamaku akxni kmaklakaskinaw, lakgachunin, akxni lu kmaklakaskima. Nachuna kilisikulunatlawanit xalakwan amigos, xaxlikana kstalaninanin Cristo xlakata nakimakgtayakgo chu lu tlan liʼakxilhtit kawilinikgo kinkamanan. *

»La uku kʼakgatekgsa tuku xlakata Jehová wan anta kMalaquías 2:16 xlakata ni akxilhputun lakxtlawakan tamakgaxtokgat. Akxni tiku akgskgawikan, wa uma tuku tlakg nitlan tlawanikan. Maski akglhuwata kata titaxtunita, min kilhtamaku nitlan kmakgkatsi. Akxni chuna kmakgkatsi, wi tiku kmakgtaya, chuna nialh klakapastaka kintalipuwan.» Chuna tlawa Janet xlakata ni xakstu namakgkatsikan, chuna la wan Biblia (Proverbios 18:1). *

Dios «kamakgtakgalha limaxkganin, y kalekgawa lakchajan ti ninit ixkgolukan». (Salmo 68:5)

Janet wampara: «Tuku tlakg tlan kimamakgkatsini wa pi Dios “kamakgtakgalha limaxkganin, y kalekgawa lakchajan ti ninit ixkgolukan”. Xla nikxni kintikamakgxtakgni chuna la tlawalh kinchixku» (Salmo 68:5). Janet katsi pi Dios ni kinkalitsakgsayan tuku nitlan. Wata kinkamaxkiyan liskgalala nema maklakaskinaw chu «ntlanka litliwakga» xlakata ni lu nalakgaputsayaw (Santiago 1:5, 13; 2 Corintios 4:7).

Pero ¿komo tuku lilakgaputsayaw wa kilatamatkan nema katuwa wi?

^ par. 9 Kalikgalhtawakga 1 Corintios 10:13 chu Hebreos 4:16.

^ par. 10 Tlakg natekgsa tamakgtay xlakata ni lu nalilakgaputsaya nema limin kxmakni revista «Recupere el control de su vida» xla revista ¡Despertad! julio kata 2015, nema wi ksitio jw.org.