Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina (nema natalikgalhtawakga)  |  Febrero kata 2014

Sikulunatlawaka xtakanajla puskat xalak Sarepta tiku xninita xchixku

Sikulunatlawaka xtakanajla puskat xalak Sarepta tiku xninita xchixku

CHATUM puskat tiku ninit xchixku paxuwa akgpixtiya, o snata xkgawasa, xachastum xkgawasa. ¡Nila kanajla tuku lalh! Aku xanin xchipanit xkgawasa. Pero la uku aktsu xkgawasa staknamapa chu talitsin. Uma puskat lu lhuwa paxuwa. Chixku tiku xmakgwi kxchiki wani: «Kaʼakxilhti, minkgawasa staknan».

Atsinu ni takgatsi akgtutu mil kata akxni malakastakwanika uma kgawasa chu lichuwinankan 1 Reyes capítulo 17. Tiku xkalakgapaxialhnama wa Elías chu xatse chatum puskat xalak Sarepta tiku xninita xchixku nema ni wankan xtukuwani. ¡Max lu matliwakglhli xtakanajla uma puskat akxni akxilhli pi lakastakwanalh xkgawasa! Kaʼakxilhwi makgapitsi tuku lu xlakaskinka katsiniyaw xlakata uma puskat.

ELIAS LAKGAPASA PUSKAT TIKU KGALHI TAKANAJLA CHU XNINITA XCHIXKU

Jehová xlakkaxwilinit pi makgas ni xʼama senan kxtamapakgsin Acab, xmapakgsina Israel tiku lixkajni xlikatsi. Akxni Elías xmakatsininanit pi ni xʼama senan, Dios matsekgli xlakata Acab nitu xtlawanilh chu tlawalh pi cuervos xlinikgolh kaxtalanchu chu liwa. Alistalh wanilh: «Kapit kSarepta, kachikin nema tapekgsi kSidón, chu anta nalatapaya. ¡Kakgaxpatti! Nakwani chatum puskat xalak tama kachikin, chatum tiku ninita xchixku, xlakata namaxkiyan wantuku nawaya» (1 Rey. 17:1-9).

Akxni chalh kSarepta, Elías tatanokglhli chatum puskat tiku xninita xchixku xsakima kiwi. ¿Wa uma puskat tiku xʼama maxki tuku nawa? Lu nitu xkgalhi xlakata chuna xtlawalh, ¿ni xlikana? Maski Elías max chuna lakpuwa, tachuwinalh. Wanilh: «Katlawa litlan, kakilitani tsinu chuchut xlakata tlan nakwa». Akxni xʼama tiya chuchut, Elías wanipa: «Katlawa litlan, kakilitani tsinu chuchut xlakata tlan nakwa»  (1 Rey. 17:10, 11). Uma puskat tlan xmaxkilh tsinu chuchut pero tlakg tuwa makgkatsilh namawi.

Puskat kgalhtinalh: «Lu xlikana pi lama Jehová miDios, ni kkgalhi xastilili kaxtalanchu, kajwatiya kkgalhi tsinu harina anta kxalanka xalu chu tsinu aceite anta kʼaktsu xalu; chu uku kkasakma laktsu kiwi, chu naktanu chu naktlawa tuku nakwayaw akit chu kinkgawasa, nakwayanaw chu alistalh nakniyaw» (1 Rey. 17:12). ¿Tuku kinkamasiyaniyan uma takgalhchuwin?

Tachuwin «lu xlikana pi lama Jehová miDios» limasiya pi uma puskat xkatsi pi Elías chatum israelita tiku xpekuani Dios. Tasiya pi xkatsi tsinu xlakata xDios Israel, pero ni lu xlakgapasa xlakata tlan xwa «kiDios» akxni lichuwinalh Jehová. Xlama kSarepta, akgtum kachikin nema xtapakgsini Fenicia akgtum kachikin xalak Sidón. Max latamanin xalak Sarepta xkakninanikgo Baal. Pero Jehová xʼakxilhninit tuku tlan uma puskat tiku xninita xchixku chu nitu xkgalhi.

Maski xlama niku lhuwa latamanin xkakninanikgo nixaxlikana dioses, kanajlanilh xDios Israel. Jehová malakgachalh kxchik xlakata Elías tlan xkitaxtunilh pero nachuna uma puskat. Lu xlakaskinka tuku kinkamasiyaniyan uma.

Ni putum latamanin xalak Sarepta, niku xkakninanikan Baal, lixkajni xlikatsikgo. Akxni Jehová malakgachalh Elías kxchik uma puskat, limasiyalh pi kaʼakxilha latamanin tiku kgalhikgo kxnakujkan tuku tlan maski nina skujnimakgolh. Chuna: «Kaxanikawa xala, wanti mpikuaniy Dios, chu na wantu xlilat ntu ntlaway, tlan tlaway» o tlan akxilha (Hech. 10:35).

¿La kgalhlit anan niku lichuwinanaw Dios chuna la puskat xalak Sarepta? Maski lamakgolh kxlakgstipankan latamanin tiku stalanikgo nixaxlikana takanajla, max wi tiku putsamakgolh tuku tlakg tlan. Max katsikgo tsinu o nitu katsikgo xlakata Jehová, chu wa xlakata lakaskinkgo wi tiku nakamakgtaya na nakakninanikgo Jehová. ¿Liskujaw xlakata nakatekgsaw chu nakamakgtayayaw umakgolh latamanin?

«PULANA AKIT KAKINTLAWANI XASTILILI AKTSU KAXTALANCHU»

La uku kaʼakxilhwi tuku skilh Elías. Puskat aku xwaninit pi kajwatiya makgtum xaʼama wayan chu xkgawasa chu akxni xwakgolh uma liwat, xʼamakgolh nikgo. Pero Elías wanilh: «Ni kapekuanti. Katanu kminchik, katlawa chuna la wanti. Pero, pulana akit kakintlawani xastilili aktsu kaxtalanchu, chu nakilitaniya unu kkilhtin, chu alistalh natlawaya tuku nawaya chu tuku nawa minkgawasa. Xlakata wa uma tuku wanit Jehová xDios Israel: “Kxalanka xalu niku tajuma harina ni katisputli, chu kʼaktsu xalu niku tajuma aceite ni katitsankgalh asta akxni Jehová nalimin lankasen kkatiyatni”» (1 Rey. 17:11-14).

Amakgapitsin max xtilakpuwankgolh: «¿Namaxkiyaw xaʼawatiya kiliwatkan? ¡Max kaj kgalhkgamanama!». Pero ¿tuku tlawalh uma puskat? Maski ni lu xlakgapasa Jehová, kanajlanilh Elías chu tlawalh tuku skinilh. ¡Lu tuwa la xlimasiyalh xtakanajla, pero lu tlan tuku laksakli!

Xlakata kanajlanilh Jehová, xDios Elías, makgtayalh xlakata ni xnilh uma puskat chu xkgawasa akxni analh tatsinksni

Dios ni makgxtakgli. Chuna la xwaninit Elías, Jehová tlawalh pi ni ksputli tsinu xliwat nema xkgalhi putum kilhtamaku nema analh tatsinksni, xlakata Elías, uma puskat chu xkgawasa xkgalhikgolh tuku xwakgolh. Wa xlakata, «harina nema xtajuma kxalanka  xalu ni sputli, chu aceite nema xtajuma kʼaktsu xalu ni sputli, chuna la Jehová xwaninit Elías» (1 Rey. 17:16; 18:1). Komo puskat nichuna xtitlawalh la xwanikanit, xastilili aktsu kaxtalanchu nema litlawalh tsinu harina chu tsinu aceite nema xkgalhi max kajwatiya amakgtum xtiliwayankgolh. Pero xla kanajlalh: lipawa Jehová chu pulana mawilh Elías.

Uma kinkamasiyaniyan pi Dios kasikulunatlawa tiku kanajlakgo. Akxni kinkaliʼakxilhkanan komo namakgatsankgananiyaw Dios chu limasiyayaw takanajla, Jehová kinkamakgtayayan. Xla litaxtu, tiku masta tuku maklakaskinaw, kinKuentajtlawanakan chu kiʼAmigokan xlakata tlan natayaniyaw (Éx. 3:13-15).

Kata 1898, revista Zionʼs Watch Tower (La Torre del Vigía de Sión) lichuwinalh pi wa uma tuku kinkamasiyaniyan xlakata uma puskat: «Komo puskat xkanajlalh chu xkgalhakgaxmatnalh, Dios xlimaxkilh palakachuwina tamakgtay; pero komo ni xkanajlalh, tlan xtakgska atanu puskat tiku xninita xchixku nema xkgalhilh takanajla. Nachuna kitaxtu kimpalakatakan. [...] Komo nakanajlaniyaw, nakinkasikulunatlawayan; komo ni, namakgatsankgayaw».

Akxni nakinkaliʼakxilhkanan, naputsayaw xtamakgtay Dios kBiblia chu kkilikgalhtawakgakan. Alistalh natlawayaw chuna la kinkawaniyan Jehová maski tuwa namakgkatsiyaw. Liwana kakatsiw pi nakinkasikulunatlawayan komo natlawayaw uma tastakyaw: «Kalipawanti Jehová xliputum minaku, chu ni wa mintalakapastakni kalipawanti. Xliputum mintiji kuentajkatlawani, chu xla namatsaja mintiji» (Prov. 3:5, 6).

«TANITA UNU XLAKATA [...] NAMAKGNIYA KINKGAWASA»

Pero, amakgtum taliʼakxilhpa xtakanajla uma puskat. Biblia tilichuwinan: «Chu akxni xtitaxtukgonita putum tuku xlama, xkgawasa puskat, xmalana chiki, tatatlalh chu lu snunalh uma kgawasa asta nialh jaxanalh». Xlakata xkatsiputun tuku xlakata nilh xkgawasa, uma puskat tiku lu xlipuwama wanilh Elías: «¿Tuku ktlawanin wix tiku taskuja xaxlikana Dios? Tanita unu xlakata nalakapastakkan tuku nitlan ktlawanit chu xlakata namakgniya kinkgawasa» (1 Rey. 17:17, 18). ¿Tuku malakpuwanilh chuna nawan?

¿Pi kawa lakapastakli akgtum talakgalhin nema nitlan xmamakgkatsini? ¿Lakpuwa pi Dios kaj xmalakgaxokgema xlakata nilh xkgawasa chu wa Elías tiku limilh linin? Biblia ni lichuwinan, pero liwana tasiya pi uma puskat ni xkilhwama pi Dios nitlan likatsi.

Max Elías nila xkanajla xlakata nilh xkgawasa uma puskat chu xlakpuwa pi wa tiku xliminit xlinin uma kgawasa. Akxni lilh xmakni aktsu kgawasa kcuarto nema xwi kxakgstin chiki, Elías tasaskilh: «Wix Jehová kiDios, ¿nachuna uma puskat tiku ninita xchixku anta niku kmakgwi nalitaniya tuku nitlan xlakata makgninipat xkgawasa?». Palakachuwina ni xlakaskin nitlan xtalichuwinalh Jehová komo xmastalh talakaskin pi uma puskat tiku tlan xlikatsi chu tlan xmakgamakglhtinan tlakg xpatinalh. Wa xlakata tasaskilh: «Wix Jehová kiDios, katlawa litlan, kamalakastakwani uma kgawasa» (1 Rey. 17:20, 21).

«KAʼAKXILHTI, MINKGAWASA STAKNAN»

Jehová xkgaxmatma. Puskat xmawinit palakachuwina, chu xkanajlanit. Chuna tasiya, Dios mastalh talakaskin pi ni xpaksli kgawasa, xlakata xkatsi pi xʼama malakastakwani. Uma talakastakwanat, xapulana nema lichuwinan Biblia, xmakgtayanalh xlakata latamanin tiku aku xʼama latamakgo xkatsikgolh pi naʼanan talakastakwanat. Akxni Elías tlawanilh oración, Jehová maxkipa xlatamat kgawasa. Kaj kalakpuwaw la paxuwakgolh uma puskat akxni Elías wanilh: «Kaʼakxilhti, minkgawasa staknan». Xla kgalhtinalh: «La uku liwana kkatsi pi wix xlakskujni Dios, chu tuku Jehová wanin nawana, xaxlikana» (1 Rey. 17:22-24).

Tuku tatsokgnit nialhtu wan xlakata uma puskat. Pero xlakata Jesús lichuwinalh tuku tlawalh, tlan nawanaw pi skujnanilh Jehová xliputum xlatamat (Luc. 4:25, 26). Tuku titaxtulh uma puskat limasiya pi Dios kasikulunatlawa tiku tlan kalikatsinikgo kskujnin (Mat. 25:34-40). Na limasiya pi kamaxki tuku maklakaskinkgo tiku ni makgxtakgkgo, maski lu nitlan la wilakgolh (Mat. 6:25-34). Nachuna, kinkamasiyaniyan pi Jehová kamalakastakwaniputun chu tlan nakamalakastakwani tiku nikgonit (Hech. 24:15). Wa xlakata, lhuwa tuku tlan nalilakapastakaw uma puskat xalak Sarepta tiku xninita xchixku.