Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina (nema natalikgalhtawakga)  |  Octubre kata 2017

¿Xkatsiyata?

¿Xkatsiyata?

¿Tuku talismanin xkgalhikgo judíos nema tlawalh pi Jesús xlaktlawalh tamalaknun ?

CHUNA la xwan xlimapakgsin Moisés, xmin kilhtamaku akxni xtalakaskin xtlawakan tamalaknun. Pero, kxkilhtamaku Jesús lhuwa judíos xlismanikgonit xtlawakgo tamalaknun xlakata xlimasiyaputunkgo pi x’amakgo makgantaxtikgo tuku xwankgo. Chuna xlimasiyakgo pi xlikana tuku xwankgo. Jesús makgtiy lakgmakgalh uma talismanin chu wa: «Kajwatiya pi akxni nawanatit Tlan, Tlan chu akxni nawanatit Ni, Ni» (Mat. 5:33-37; 23:16-22).

Maktum diccionario teológico lichuwinan pi makgapitsi tuku lichuwinan Talmud wa xlakata judíos tuku xlimasiyakgo pi xlikana tuku xwankgo. Talmud liwana lichuwinan tuku tamalaknun tlan xmakgantaxtikan chu tuku tlan xlaktlawakan.

Ni kaj watiya Jesús laktlawalh uma talismanin. Akgtum liʼakxilhtit, historiador judío Flavio Josefo lichuwinalh xlakata judíos: «Ni tlawakgo tamalaknun xlakata kanajlakgo pi uma tlakg nitlan nixawa takgsanin. Xlakan wankgo pi putum latamanin tlan nakamakgnikan tiku ni mapakuwi Dios akxni tlawa akgtum tamalaknun». Libro apócrifo judío lilakgapaskan Eclesiástico o Sabiduría de Jesús Ben Sirá nachuna lichuwinan: «Chixku tiku lhuwa tlawa tamalaknun, litatsama tuku nixatlan» (23:11). Tuku Jesús lakgmakgalh wa pi xlismanikgonit pi kaj akglakgwa xliʼakxilhkgo tamalaknun. Komo ankgalhin nawanaw tuku xaxlikana, ni katitalakaskilh natlawayaw tamalaknun.