Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina (nema natalikgalhtawakga)  |  Marzo kata 2016

Kaliskujwi xlakata makxtum natawila congregación

Kaliskujwi xlakata makxtum natawila congregación

«Sampi lantla malananiy xlipaks lakni, tlan kilhastuka xlipaks xtakilhastukat ntu ntamaxkinit, lantla tlan wilakgo xnujut, [...] nkgalhi litliwakga lantla nastaka» (EFES. 4:16).

TAKILHTLIN: 53, 16

1. ¿Tuku tayat wi lata xkilhtsukut tuku tatlawanit?

LATA xkilhtsukut tuku anan makxtum lakan. Jehová chu Jesús akxtum skujkgolh putum kilhtamaku. Tuku pulana tlawalh Jehová wa Jesús. Chu alistalh, Jesús taskujli kxpaxtun «la chatum skujni xapuxku» (Prov. 8:30). Nachuna, kskujnin Dios ankgalhin chuna makxtum skujkgonit xlakata natlawakgo taskujut nema xla kalakgayawanit. Akgtum liʼakxilhtit, Noé chu xfamilia akxtum skujkgolh xlakata natlawakgo arca. Akglhuwa kata titaxtulh, israelitas akxtum skujkgolh xlakata natlawakgo tabernáculo, xlakata namapanukgo chu nalinkgo akxni xlamakgolh kdesierto. Akxni xwija templo, israelitas akxtum kilhtlikgolh chu tlakgnankgolh lakstlan tatlin xlakata nalimalankikgo Jehová. Kskujnin Dios tlan tlawakgonit putum uma xlakata putum kilhtamaku akxtum wilakgo chu akxtum skujkgo (Gén. 6:14-16, 22; Núm. 4:4-32; 1 Crón. 25:1-8).

2. 1) ¿Tuku na xtlawakgo xapulana kstalaninanin Cristo xapulana siglo? 2) ¿Tuku naʼakxilhaw kʼuma artículo?

 2 Xapulana kstalaninanin Cristo nachuna putum kilhtamaku akxtum skujkgolh. Apóstol Pablo wa pi xapulana kstalaninanin Cristo tipalhuwa tuku xkatsinikgo tlawakgo chu tanu tanu tuku xkalakgayawakanit, pero makxtum xlakgo xlakata putum kstalanikgo Jesucristo. Pablo katamalakxtumilh xmakni chatum lataman, tipalhuwa tuku kgalhi pero putum makxtum skujkgo (kalikgalhtawakga 1 Corintios 12:4-6, 12). ¿Chu akinin? ¿La tlan makxtum nalayaw chu naskujaw akxni lichuwinanaw Dios, kcongregación chu kfamilia? Naʼakxilhaw kʼuma artículo.

KAMAKGTAYANAW XLAKATA MAKXTUM NALICHUWINANAW DIOS

3. ¿Tuku maʼakxilhnika apóstol Juan?

3 Akgtum kilhtamaku, Jehová tlawalh pi apóstol Juan xʼakxilhli kgalhatujun ángeles tiku xtlakgmakgolh trompetas. Akxni xlikgalhkitsis ángel mamakasanilh xtrompeta, Juan akxilhli «akgtum staku ntu ntitamakgwasli nkatiyatna ntimincha nkakgapun». Uma «staku» limaklakaskilh akgtum llave xlakata nalimalakki xmalakcha lanka tawaxni nema lu pulhman chu kapukswa nema wanikan «mpulhman nkalinin». Alistalh, kkapulhman tsukulh taxtuyacha lhuwa jin. Chu kjini tsukukgolh taxtukgo lhuwa xtuki. Pero umakgolh laktsu xtuki ni wa kalakxtlawakgolh kiwi o laktsu kiwi, wata «xman wa nchixkuwin wa nti ni kgalhikgo kxmunkan xlilhka Dios» (Apocalipsis [Revelación] 9:1-4). Juan xkatsi pi xtuki lu nitlan tuku tlawakgo, chuna la tlawakgolh kʼEgipto kxkilhtamaku Moisés (Éx. 10:12-15). Xtuki nema akxilhli Juan kilhchanima xatalaksakni tiku lichuwinamakgolh akgtum palha tamakatsin xlakata ni xaxlikana takanajla. Chu lhuwa millones latamanin tiku nalatamakgo putum kilhtamaku kKatiyatni kamakgtayamakgolh natalichuwinan Dios. Putum akxtum skujkgo xlakata uma taskujut chu kamakgtayakgonit lhuwa latamanin nalakgtaxtukgo knixaxlikana takanajla chu kxmakan Satanás.

Xlakata tlan nalichuwinanaw Dios kxlikalanka katiyatni makxtum kilitawilatkan chu makxtum kiliskujatkan

4. 1) ¿Tuku taskujut xlitlawatkan kstalaninanin Cristo? 2) Xlakata namakgantaxtiyaw uma taskujut, ¿tuku kilitlawatkan?

4 Jehová kinkamaxkinitan akgtum lanka taskujut. Nalichuwinanaw xalakwan tamakatsin xla xTamapakgsin kxlikalanka katiyatni asta akxni nina chin xlisputni (Mat. 24:14; 28:19, 20). Talakaskin nakawaniyaw pi kalikgotnankgolh «nchuchut xla latamat» putum tiku kgalhputimakgolh. Uma wamputun, nakamasiyaniyaw tuku xaxlikana nema wi kBiblia putum tiku katsiniputunkgo (Apoc. 22:17). Tlan namakgantaxtiyaw uma taskujut, kajwatiya komo makxtum tawilayaw chu akxtum skujaw kcongregación (Efes. 4:16).

5, 6. ¿Tuku litasiya pi xtatayananin Jehová akxtum lakgo xlakata natalichuwinan Dios?

5 Xlakata tlakg lhuwa latamanin nakalitachuwinanaw uma tamakatsin, talakaskin liwana nalakkaxwiliyaw. Pulaktum tuku kinkamakgtayayan wa tuku kinkalistakyawakanan  kcongregación, akgtum liʼakxilhtit wa xlakata tamakxtumit nema tlawakan akxni lichuwinankan Dios. Xlakata tuku kinkawanikanan tlan kalitachuwinanaw Tamapakgsin putum latamanin kxlikalanka katiyatni chu mastayaw lhuwa millones likgalhtawakga nema takilhtinit kBiblia. Nachuna, min kilhtamaku kinkawanikanan pi namakgtlawayaw xlakaskinka campañas xlakata natalichuwinan Dios. Akxni tlawayaw uma taskujut, kataskujmaw lhuwa millones natalan tiku nachuna mastamakgolh uma tamakatsin xlikalanka katiyatni. Chu na kataskujmaw ángeles, xlakata kinkamakgtayayan nalichuwinanaw Dios (Apoc. 14:6).

6 Lu lipaxuwayaw akxni likgalhtawakgayaw kʼAnuario la kitaxtunit xlakata la talichuwinama Dios xlikalanka katiyatni. Atanu tuku na kinkamakgtayayan xlakata tlan makxtum natawilayaw wa asambleas regionales. Akgatunu kata, makgapitsi kilhtamaku akxni nina tsuku lanka tamakxtumit, kimputumkan kawaniyaw latamanin kakinkataʼankgon. Chu ktamakxtumit, putum watiya tuku kgaxmataw. Taʼakgchuwin, liʼakxilhtit chu dramas nema takilhtinit kBiblia kinkamakgpuwantiniyan namaxkiyaw Jehová tuku tlakg tlan. Atanu tuku kinkamakgtayayan makxtum natawilayaw, wa akxni lakapastakaw akxni tinilh Cristo nema kata kata tatlawa kilhtamaku 14 xla papaʼ nisán (1 Cor. 11:23-26). Akglhuwa semanas akxni nina tatlawa, putum kawaniyaw pi kakinkatatamakxtumikgon kʼuma lu xlakaskinka tamakxtumit. Chu alistalh putum tamakxtumiyaw watiya kilhtamaku akxni tsankganita Chichini. Chuna kgalhakgaxmataw xlimapakgsin Jesús chu limasiyaniyaw Jehová pi paxtikatsiniyaw putum tuku tlawalh kimpalakatakan.

7. ¿Tuku tlan kitaxtunit xlakata makxtum skujaw?

7 Tantum xtuki nila tuku tlawa. Nachuna, akinin kiakstukan nila lichuwinanaw Dios xlikalanka katiyatni. Xtachuna la xtuki, makxtum skujaw. Xlakata uma kalitachuwinanaw Jehová millones latamanin chu kamakgtayayaw xlakata namalankikgo chu namaxkikgo kakni.

KALISKUJWI MAKXTUM NATAWILA CONGREGACIÓN

8, 9. 1) ¿Tuku liʼakxilhtit maklakaskilh Pablo xlakata nalimasiya pi lu xlakaskinka akxtum lakan? 2) ¿Tuku tlan natlawayaw xlakata makxtum natawila congregación?

8 Apóstol Pablo kawanilh kstalaninanin Cristo xalak Éfeso la xtalakkaxwilinit congregación chu kamaxkilh uma tastakyaw: «Kalistakwi xlipaks nkatuwaj» (kalikgalhtawakga Efesios 4:15, 16). Xla limaklakaskilh liʼakxilhtit xlakata makni chu uma limasiyalh pi putum kstalaninanin Cristo tlan namakgtayananaw makxtum natawila congregación chu nastalanikgo Jesús, tiku litaxtu la xʼakgxakga uma makni. Pablo wa pi kʼakgtum makni, putum tuku litakgatsi akxtum skujkgo xlakata kgalhi niku litatastuka. Wa xlakata, maski lakgkgawasanku o linawa kata, komo tatatlayaw o ni, ¿tuku tlan natlawayaw xlakata akxtum nala congregación?

9 Jesús kalakgayawanit lakgkgolotsin napulalinkgo congregación. Chu xla lakaskin pi kakamaxkiw kakni chu kakgalhakgaxmatwi tuku nakinkawanikgoyan (Heb. 13:7, 17). Xlikana, min kilhtamaku tuwa makgkatsiyaw. Pero komo skiniyaw xtamakgtay Jehová, nakinkamaxkiyan xʼespíritu santo chu nakinkamakgtayayan nakgalhakgaxmatnanaw. Komo tataktujuyaw chu akxtum kataskujaw lakgkgolotsin, namakgtayananaw tlan natawila  congregación. Putum makxtum natawilayaw chu tlakg nalapaxkiyaw chali chali.

10. ¿La makgtayamakgo siervos ministeriales xlakata akxtum nala kcongregación? (Kaʼakxilhti xapulana dibujo).

10 Siervos ministeriales na makgtayanankgo makxtum natawila congregación. Xlakan lu liskujkgo xlakata nakamakgtayakgo lakgkgolotsin, chu lu paxtikatsiniyaw xlakata xtamakgtaykan nema tlawakgo. Akgtum liʼakxilhtit, akxilhkgo pi wi likgalhtawakga nema namaklakaskinaw akxni nalichuwinanaw Dios. Nachuna, xatapaxuwan kamakgamakglhtinankgo tiku minkgo kPukgalhtawakga xla xTatayananin Jehová. Chu na skujkgo xlakata nakaxtlawakgo tuku talakaskin chu kaxakakgo kPukgalhtawakga. Akxni akxtum kataskujaw siervos ministeriales, makgtayananaw makxtum natawila congregación chu ni akglakgwa naskujnanikgo Jehová (katamalakxtupi tuku wan Hechos 6:3-6).

11. ¿La tlan natlawakgo lakgkgawasan xlakata makxtum natawila congregación?

11 Makgapitsi lakgkgolotsin lu palha skujkgonit lhuwa kata kcongregación. Pero max tlakg linkgoya kata chu nialhla tlawakgo chuna la pulana. Natalan tiku lakgkgawasanku tlan namakgtayanankgo. Komo tiku linkgoya kata nakamasiyanikgo kamanan tlakg lhuwa tuku tlan nakalakgayawakan. Nachuna, komo siervos ministeriales lu naliskujkgo xlakata tlan natlawakgo xtaskujutkan, ni makgas kilhtamaku tlan lakgkgolotsin nalitaxtukgo (1 Tim. 3:1, 10). Makgapitsi lakgkgolotsin tiku nina linkgo kata lakapala staknit xtakanajlakan chu la uku superintendentes de circuito chu kamakgtayamakgolh natalan klhuwa congregaciones. Putum kapaxtikatsiniyaw umakgolh kamanan xlakata xatapaxuwan kamakgtayakgo amakgapitsin (kalikgalhtawakga Salmo 110:3 chu Eclesiastés 12:1).

KALISKUJWI MAKXTUM KATAWI FAMILIA

12, 13. ¿Tuku tlan natlawakgo familias xlakata akxtum nalakgo?

12 ¿Tuku tlan natlawakgo familias xlakata makxtum natawilakgo? Pulaktum tuku xlakaskinka wa pi akgatunu semana nakakninaniyaw Dios kfamilia. Komo xanatlatni chu xkamanan limaxtukgo kilhtamaku xlakata akxtum nakatsinikgo xlakata Jehová, tlakg nalapaxki. Akxni tlan nalitsakgsakgo tuku nawankgo akxni nalichuwinankgo Dios. Uma natlawa pi nakatsikgo tuku nawankgo. Akxni akgtum familia lichuwinankgo Jehová chu paxkiputunkgo chu makgapaxuwaputunkgo, uma tlawa pi makxtum nalakgo.

Komo xachixku chu xapuskat paxkikgo Jehová chu akxtum skujnikgo, tlakg tliwakga chu xatapaxuwan natawila xtamakgaxtokgatkan

13 ¿Tuku tlan natlawa xachixku chu xapuskat xlakata akxtum natawilakgo? (Mat. 19:6). Komo xchatiykan paxkikgo Jehová chu akxtum skujnanikgo, tlakg tliwakga chu xatapaxuwan nawan xtamakgaxtokgatkan. Lu xlakaskinka pi xchatiykan nalapaxkikgo chu nalalimasiyani, chuna la Abrahán chu Sara, Isaac chu Rebeca, chu Elqaná chu Ana (Gén.  26:8; 1 Sam. 1:5, 8; 1 Ped. 3:5, 6). Chuna tlakg nalatalalinkgo chu tlan xʼamigo Dios nalitaxtukgo (kalikgalhtawakga Eclesiastés 4:12).

Kakninanikan Dios kfamilia kamakgtaya kamanan chu tiku linkgoya kata xlakata makxtum natawilakgo. (Kaʼakxilhti párrafos 12 chu 15).

14. Komo minchixku o mimpuskat ni skujnani Jehová, ¿tuku natlawaya xlakata namatliwakglha mintamakgaxtokgat?

14 Biblia liwana kinkawaniyan pi ni natatamakgaxtokgaw tiku ni skujnani Jehová (2 Cor. 6:14). Maski chuna, makgapitsi natalan tatamakgaxtokgkgonit tiku ni xtatayana Jehová. ¿Tuku xlakata? Makgapitsi xtatayananin Jehová wankgolh akxni xtamakgaxtokgkgonita, pero xachixku o xapuskat ni lakgatikgolh tuku xaxlikana. Makgapitsi tatamakgaxtokgkgolh tiku xtatayana Jehová xwanit pero alistalh makgxtakgkgolh. Komo chuna titaxtumaw, ¿tuku tlan natlawayaw xlakata namatliwakglhaw kintamakgaxtokgatkan? Nakgalhakgaxmataw xtastakyaw Biblia, maski min kilhtamaku lu tuwa. Kaʼakxilhwi xliʼakxilhtit Mary chu David. Xchatiykan xtatayananin Jehová xwankgonit, pero milh kilhtamaku David nialh alh ktamakxtumit. Xla lu liskujli xlakata lu tlan puskat nalitaxtu chu nalimasiyani lakwan tayat la kstalanina Cristo. Kamasiyanilh xlakata Jehová kgalhchaxan xkaman chu nikxni makgxtakgli naʼan ktamakxtumit chu klaklanka tamakxtumit. Titaxtulh kata, chu xkaman stakkgolh chu nialh anta tawilakgolh kxchikkan. Mary tlakg tuwa makgkatsilh xakstu naskujnani Jehová, pero ni makgxtakgli. Asta xmakgxtakga revistas kxchik xlakata xchixku xʼakxilhli. Akgtum kilhtamaku, tsukulh kalikgalhtawakga. Titaxtulh kilhtamaku tsukupa an ktamakxtumit. Xkgalhikgo chatum xtanatkan tiku xkgalhi akgchaxan kata chu ankgalhin xmaʼakgataxtini akgtum laktawilh kpukgalhtawakga xla xtatayananin Jehová. Chu komo David ni xchan, alistalh aktsu xtanat xwani: «Tata, lu klakapastakni ktamakxtumit». Xtitaxtunita 25 kata, David tsukupa skujnani Jehová. La uku, xla chu xpuskat amakgtum akxtum skujnikgo Dios chu lu paxuwakgo.

15. ¿La tlan nakamakgtayakgo tiku linkgoya kata la tamakgaxtokgkgonit tiku kajku kaman?

15 La uku Satanás kalakxtlawaputun familias.  Wa uma pulaktum tuku xlakata tiku tamakgaxtokgkgonit chu skujnanikgo Jehová akxtum xlitawilatkan. Maski lhuwa o ni lhuwa kilhtamaku chuna la tamakgaxtokgkgonit, xlilakpuwanatkan tuku tlan tlawakgo chu tuku tlan wankgo xlakata tlakg namatliwakglhkgo xtamakgaxtokgatkan. Tiku lhuwa kata linkgoya chuna la tamakgaxtokgkgonit tlan liʼakxilhtit kawilinikgo tiku nina makgas tamakgaxtokgkgonit. Max tlan nakawanikgo pi akxtum nakatakakninanikgo Dios kfamilia tamakgaxtokgat nema nina linkgo kata. Chuna tiku nina makgas tamakgaxtokgkgonit naʼakxilhkgo pi maski natitaxtu lhuwa kata, tiku tamakgaxtokgkgonit chuntiya makxtum xlitawilatkan chu nalalimasiyani tapaxkit (Tito 2:3-7).

«KATAWAKAW KXSIPI JEHOVÁ»

16, 17. ¿Tuku tasikulunalin kinkakgalhkgalhiman?

16 Akxni israelitas xʼankgo kJerusalén xlakata xtlawakgolh paskua, makxtum kskujkgo. Xmakaxkgo putum tuku xmaklakaskinkgo chu alistalh xlamakgtayakgo ktiji. Akxni xchankgo ktemplo, xkakninanikgo Jehová chu makxtum xmalankikgo (Luc. 2:41-44). Akinin takaxmaw xlakata nalatamayaw kxasasti katiyatni. Wa xlakata xlakaskinka pi makxtum natawilayaw chu makxtum naskujaw. ¿Tuku tlan natlawayaw xlakata tlakg makxtum nakatatawilayaw chu nakataskujaw kinatalankan?

17 Tiku wilakgolh kkakilhtamaku tapitsikgonit chu katuwa tuku lalitalatlawa. Pero xlakata Jehová kinkamakgtayayan, akinin kgalhiyaw takaksni chu akgatekgsaw tuku masiya Biblia. ¿Ni xlikana pi lu paxtikatsiniyaw? Kxlikalanka katiyatni, kskujnanin Dios kakninaniyaw chuna la lakaskin. Nachuna, kʼuma xaʼawatiya kilhtamaku tlakg makxtum wilaw. Chuna la wankgolh palakachuwinanin Isaías chu Miqueas, putum makxtum tawakayaw «kxsipi Jehová» (Is. 2:2-4; kalikgalhtawakga Miqueas 4:2-4). Komo makxtum nalayaw, lhuwa tasikulunalin nakgalhiyaw. Nialh makgas naʼakxilhaw akxni putum latamanin nakakninaniyaw Jehová.