Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina (nema natalikgalhtawakga)  |  Junio kata 2017

¿Lakapastaka?

¿Lakapastaka?

¿Liwana likgalhtawakganita xa’awatiya Makatsinina nema taxtukgonit? Ka’akxilhti komo tlan nakgalhtiya umakgolh takgalhskinin:

Akxni makgamakglhtinankgo tastakyaw xkachikin Dios, ¿tuku tayat xlikgalhitkan lakgkgolotsin, superintendentes de circuito chu amakgapitsin?

Tunkun nakgalhakgaxmatatnankgo. Tlan nakinkakgalhskinkanan: «¿Kkamakgtaya xlakata xtakanajlakan amakgapitsin? ¿Kgalhakgaxmatnan chu tunkun ktlawa tastakyaw nema kimaxkikan?» (w16.11, pág. 11).

¿Tuku kilhtamaku Babilonia ka’akgchipa xaxlikana kstalaninanin Cristo?

Akxni nina makgas xnikgonit apóstoles. Akxni tsukulh tasiya ni xaxlikana takanajla. Tiku xalak ksikulan chu xala ama kachikin malhuwikgolh nixaxlikana tamasiy chu nitlan kalimaxtukgolh xtachuwinkan kstalaninanin Cristo, tiku xlitaxtukgo la trigo. Pero kata nema xtitaxtukgonit la 1914, tiku xatalaksakni tsukukgolh lakgtaxtukgo (w16.11, págs. 23-25).

¿Tuku xlakata xlakaskinka xwanit xtaskujut Lefèvre d’Étaples?

Kkata 1520, Lefèvre matitaxtilh Biblia ktachuwin Francés xlakata latamanin tlan xlikgalhtawakgakgolh. Chuna la xlichuwinan pulakatunu texto wa makgtayakgolh Martín Lutero, William Tyndale chu Juan Calvino (wp16.6, págs. 10-12).

¿Tuku ni tatalakxtumi «xtatlawaputu nkintiyatliwakan» chu «lakapastak[kan] wa ntu lakaskin spiritu»? (Rom. 8:6).

Tiku kaj watiya lakapastaka xtatlawaputu ntiyatliwa xman wa lilakpuwan, chu xman wa lichuwinan. Chu tiku lakapastaka tuku lakaskin espíritu kaj watiya lilakpuwan tuku xla Dios chu nachuna lakpuwan la Jehová. Masta talakaskin pi espíritu santo napulalin xtalakapastakni. Kajwatiya lilakpuwankan tuku xla tiyatliwa kilhchani linin, chu wantu lakaskin espíritu kilhchani latamat chu takaksni (w16.12, págs. 9-14).

¿Tuku tlan natlawakgo tiku lu lakgaputsakgo?

Natlawayaw tuku tlan nalimakgkatsiyaw chali chali, nalipaxuwayaw tamalakatsukin, chu ankgalhin napaxuwayaw, natlawayaw ejercicio chu liwana nalhtataya (w16.12, pág. 20).

¿La lalh pi Enoc, «titiyaka xlakata ni x’akxilhli linin»? (Heb. 11:5).

Max wa Dios tlawalh pi Enoc lakapala xnilh, xlakata ni xpatinalh chu ni wa xmakgnikgolh tiku lixkajni likatsikgo (wp17.1, págs. 12-13).

¿Tuku xlakata xlakaskinka ni nalakpuwanaw pi putum tlan tlawayaw?

Chatum lataman tiku wan pi nila putum tlawa, liwana lakgapaskan chu katsi pi wi tuku nila matlani o ni kgalhi talakaskin chuna natlawa. Kililakapastakatkan pi tuku natlawayaw max nalaktlawa amakgapitsin chu ni lu xlikana natlawayaw (w17.01, pág. 18).

¿Tuku likatsiyaw pi Dios kapulalilh lakgkgolotsin tiku xpulalinankgo kxapulana siglo, chuna la kapulalin tiku pulalinkgo xtatayananin Jehová la uku?

Espíritu santo kamakgtayalh na’akgatekgskgo tuku xaxlikana xalak Biblia, kgalhikgolh xtamakgtay ángeles xlakata napulalinkgo la lichuwinamakgolh Dios chu lipawankgolh pi wa nakapulalin xtachuwin. Nachuna lama la uku (w17.02, págs. 26-28).

¿Tuku nakinkamakgtayayan napaxtikatsiniyaw talakgmaxtut?

Wa umakgolh pulaktati: tiku mastalh, tuku xlakata chuna tlawalh, tuku tuwa titaxtulh xlakata chuna xtlawalh chu la litamakgtayayaw. Tlan nalilakpuwanaw umakgolh (wp17.2, págs. 4-6).

¿Tlan nalakgpali tuku xlakpuwanit natlawa chatum kstalanina Cristo?

Maski kilimakgantaxtitkan kintachuwinkan, min kilhtamaku max nalakgpaliyaw tuku lakpuwanaw. Akxni latamanin xalak Nínive nitlan limakgkatsikgolh tuku xtlawakgonit, Dios li lakpuwa pi nialh x’ama malakgsputu ama kachikin. Komo natalakgpali tuku laksaknitaw o namakglhtinanaw xasasti tamakatsinin, max nalakgpaliyaw tuku laksaknitaw natlawayaw (w17.03, págs. 12-14).

¿Tuku xlakata nitlan kitaxtu akgsaninankan?

Xlakata tlawa pi akgtum taʼakglhuwit max tlakg natalhuwi. Maski xlikana o ni xlikana tuku wanaw ni katilakkaxtlawalh akgtum taʼakglhuwit (w17.04, pág. 21).