Ankan kxpulakni

Ankan kliputsan

Xtatayananin Jehová

Laksakkan tachuwin totonaco

Tuku katsiputunkgo tiku likgalhtawakgakgo

Tuku katsiputunkgo tiku likgalhtawakgakgo

Komo chatiy kstalaninanin Cristo tiku ni makgaxtokgkgo x’akstukan natawilakgo akgtum tsisni k’akgtum chiki ¿wamputun uma pi tlawakgonit lanka talakgalhin chu talakaskin pi lakgkgolotsin nakastakyawakgo?

Chuna, komo ni katsikan tuku xlakata akxtum xwilakgo, talakaskin pi lakgkgolotsin nakastakyawakgo xlakata liwana tasiya pi tlawakgolh talakgxtumit xalimaxana (1 Cor. 6:18).

Lakgkgolotsin liwana nalakputsananikgo pulakatunu tuku lalh komo natalakaskin nakastakyawakan. Akgtum li’akxilhtit, ¿lalakgatikgo uma chatiy latamanin? ¿Kamaxkikanit tastakyaw xlakata la nalalikatsinikgo? ¿Tuku xlakata x’akstukan tamakgxtakgkgolh k’akgtum chiki? ¿Chuna xlakkaxwilikgonit? ¿Wi tuku nitlan lalh nema ni xlitlawatkan, la komo akgtum tuku kaj lakapala lalh chu wa xlakata lakxtum tamakgxtakgkgolh k’akgtum chiki? (Ecl. 9:11). ¿Niku lhtatakgolh? Komo tanu tanu tuku titaxtukan, max wi tuku atanu nema lu xlakaskinka nalakputsananikgo lakgkgolotsin.

Akxni lakgkgolotsin putum lakputsananikgonit nawan tuku lalh, na’akxilhkgo komo talakaskin nakastakyawakan.