Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Makatsinina  |  2016, núm. 1

 TUKU WI KXMAKNI | ¿TLAN KITAXTU NI AKGSKGAWINANKAN?

Lu tlan kitaxtu ni akgskgawinankan

Lu tlan kitaxtu ni akgskgawinankan

«Sampi luwa kkatsiyaw mpi tlan kintapuwankan kkgalhiyaw, xaliʼankgalhin akgstitum tlan klatamaputunaw» (Hebreos 13:18).

Anta kBiblia, tachuwin xagriego «tiku ni akgskgawinankgo» wamputun tuku tlan.

Kstalaninanin Cristo lu xlakaskinka akxilhkgolh xtachuwin apóstol Pablo: «Xaliʼankgalhin akgstitum tlan klatamaputunaw». ¿Tuku wamputun uma tachuwin?

TALACHIPAT KIMAKNIKAN

Atsinu ni putum talakanukgo kʼespejo akxni nina taxtukgo kxchikkan. ¿Tuku xlakata? Xlakata tlan tasiyaputunkgo. Pero anan tuku tlakg xlakaskinka ni xawa liwana akxkitkan chu liwana lhakganankan. Asta, tuku lakpuwanaw natlawa tlakg tlan natasiyayaw o ni.

Biblia wan pi tlawaputunaw tuku nitlan. Génesis 8:21 wan: «Xlakata tuku lakpuwan xnaku chatum chixku nitlan lata aktsujku». Komo ni akgskgawinamputunaw, ni kamastaw talakaskin nakinkamakgatlajayan tuku nitlan tlawaputunaw. Apóstol Pablo lichuwinalh xlakata xtalakgalhin: «Xampi wa lantla lhuwa kit kkintapuwan klimakgapaxuwakan xlimapakgsin Dios; wampi kukxilha yuma atipatu ntu lakgapaxtokga ntu malanan kkinchatuminika, wa ntu ntalalakgapaxtokga xtalakaskin nkintapuwan, na xtachuna mpala xatachin nkiliyan kxlimapakgsin ntalakgalhin wa ntu malanan xlipaks kkilakni» (Romanos 7:22, 23).

Akgtum liʼakxilhtit, akxni makgkatsiyaw pi tlawaputunaw tuku ni xlilat, ni kilitlawatkan uma, xtachuna la nila xmapakgsiw kimaknikan. Ni tapakgsiniyaw tuku nitlan: akinin laksakaw natlawayaw tuku tlan chu tuku nitlan. Akxni lakgmakganaw akgtum nitlan talakapastakni, laksakaw ni naʼakgskgawinanaw kakilhtamaku niku lu akgskgawinankan.

TLAN NATLAJANANA

Xlakata ni naʼakgskgawinankan talakaskin liwana nalakkaxwiliyaw tuku natlawayaw. Lu nitlan, pero lhuwa lu xlakaskinka akxilhkgo tlan naʼakxilhkan nixawa natlawakgo tuku xaʼakgstitum. Wankgo pi xtalakaskin tuku tlawakgolh maski akgskgawinankgolh xlakata chuna xtalakaskin. Libro The (Honest) Truth About Dishonesty (Tuku xaxlikana xlakata taʼakgskgawin) wan: «Akgskgawinanaw asta niku akxilhaw pi tlan chuntiya nalakpuwanaw pi ni akgskgawinanaw». Pero ¿tuku nakinkamakgtayayan nalaksakaw komo talakaskin naʼakgskgawinanaw?

Millones latamanin xlikalanka katiyatni katsikgonit pi Biblia lu makgtayanan. Biblia limin limapakgsin xlakata la nalinaw kilatamatkan nema ni anan xtachuna (Salmo 19:7). Masta tastakyaw xlakata familia, taskujut, la linaw kilatamatkan chu xlakata takanajla. Xtastakyaw chuntiyaku kinkamakgtayayan asta la uku. Xtastakyaw chu xlimapakgsin kamakgtaya putum latamanin maski tanu xkachikinkan, xcolorkan chu xlakatsukutkan.  Komo likgalhtawakgayaw Biblia, lilakpuwanaw tuku wan chu stalaniyaw xtastakyaw, nakatsiniyaw xaxlikana ni naʼakgskgawinanaw.

Pero, xlakata lamaw kakilhtamaku nema tlawaputun pi lixkajni nalinaw kilatamatkan chuna la xla, ni kaj natalakaskin nalakgapasaw Biblia xlakata ni naʼakgskgawinanaw. Xlakata ni namastayaw talakaskin naʼakgskgawinanaw, talakaskin naskiniyaw Dios kakinkamakgtayan (Filipenses 4:6, 7, 13). Akxni chuna natlawayaw tlan natatayayaw tuku xaʼakgstitum chu putum kkilatamatkan ni naʼakgskgawinanaw.

TUKU TLAN KITAXTU AKXNI NI AKGSKGAWINANKAN

Hitoshi, nema lichuwinaw niku tsuku artículo, xlakata xlilakgapaskan pi ni xʼakgskgawinan kxputaskujut lu makgtayalh, xlakata maxkilh taskujut chatum tiku lu xlakaskinka xʼakxilha ni akgskgawinankan. Hitoshi wan: «Lu kpaxtikatsininan. Tlan ktekgsli akgtum taskujut nema kimaxki talakaskin tlan natawila kintalakapastakni».

Amakgapitsi nachuna kaʼakgspulanit. Kalilakpuwanti xliʼakxilhtit umakgolh tiku tlan kakitaxtuninit xlakata makgantaxtikgo uma tastakyaw xalak Biblia «akgstitum tlan klatamaputunaw».

  • Tlan tawila talakapastakni

    «Nialh kalh kʼescuela akxni xakkgalhi 13 kata xlakata “nakkataskuja” tiku kgalhanankgo. Atsinu ni putum tuku xaktlaja kaj xakʼakgskgawintlaja. Titaxtulh kilhtamaku ktamakgaxtokgli, chu kinchixku chu akit ktsukuw katakgalhtawakgayaw Biblia xtatayananin Jehová. Katsiniw pi Jehová * xkajni akgskgawinankan wa xlakata klakgpaliw kilatamatkan [Proverbios 6:16-19]. Kata 1990 ktamunuw chu xtatayana Jehová klitaxtuw.

    »Xapulana kkinchik xaklimatsamanit putum tuku xakkgalhanit, pero la uku nialh. La uku kintalakapastakni tlan wi. Akxni klakapastaka akxni xakkgalhanan, kpaxtikatsini Jehová xlakata kilakgalhamalh. Ni anan atanu tuku xtachuna xlakata akxni kan lhtata katsi pi kmakgapaxuwa Jehová» (Cheryl, Irlanda).

    «Akxni kimalana katsilh pi ni kmakglhtinalh tuku xkilitamawamaka, kiwanilh: “Mi Dios tlawanit pi wix lu tlan nalipawankana. Lu tlan pi unu kilataskujmaw”. Xlakata ni kakgskgawinan lu tlan wi kintalakapastakni kxlakatin Jehová. Chu nachuna tlan kamakgtaya kifamilia chu amakgapitsi xlakata nachuna natlawakgo» (Sonny, Hong Kong).

  • Takaksni

    «Akit kskuja kʼakgtum kbanco internacional. Kʼuma taskujut lu lhuwa anan taʼakgsanin xlakata tlakg natlajakan tumin. Putum latamanin lakpuwankgo: “Nitu wamputun akgskgawinankan tsinu komo tlakg lhuwa tumin nakgalhikan”. Pero xlakata ni kakskgawinan kgalhi takaksni. Klakapastaknit xlakata chuntiya naklikatsi maski kalalh tuku kalalh. Kimalana katsi pi nikxni nakkaʼakgskgawi chu nachuna ni nakkapalakaʼakgskgawinan» (Tom, Estados Unidos).

  • Mastakan kakni

    «Tiku kimpulalin kiwanilh pi xakʼakgskgawinalh xlakata tuku xtsankganit, pero akit ni chuna ktlawalh. Akxni katekgska tiku xkgalhankgonit, xmalana xla uma empresa lu kinpaxtikatsinilh xlakata ni kakgskgawinalh. Xlakata ni naʼakgskgawinana kʼuma kakilhtamaku talakaskin ni napekuana. Pero alistalh, lipawankana chu amakgapitsin maxkikgoyan kakni» (Kaori, Japón).

Tuku tlan kitaxtu xlakata ni akgskgawinankan wa kgalhikan akgtum tlan talakapastakni, takaksni chu maxkikana kakni. ¿Ni xlikana pi lu xlakaskinka uma?

^ párr. 18 Biblia wan pi xtukuwani Dios wa Jehová.