Ankan kxpulakni

Ankan kliputsan

Xtatayananin Jehová

Laksakkan tachuwin totonaco

¿Tuku xlakata kgalhini kuenta nalatapaya?

¿Tuku xlakata kgalhini kuenta nalatapaya?

Faizal tlawanika akgtum operación kxnaku akxni kajku akgtum kata xtitaxtunit la xninit xpuskat. Xla wan: «Akxni klikgalhtawakga libro xla Job, kakxilha pi Jehová wi tuku xlakata matsokgninalh. Natekgsa chatum tiku lichuwinan Biblia nema nachuna titaxtulh la wix, tlan mamakgkatsini naku». Chu wampara: «Kgalhini kuenta nalatapaya».

Tarsha aktsujku xwanit akxni nilh xtse. Xla wan: «Paxuwayaw kkilatamatkan akxni lakgapasaw kiMalakatsukinakan. Kinkamaxkiyan takgalhkgalhin chu tapaxuwan maski kgalhiyaw taʼakglhuwit. Jehová kgalhi litliwakga xlakata nakinkamaxkiyan tamakgtay nema chali chali lakaskinaw».

KʼARTÍCULOS nema titaxtulha akxilhwi pi makgapitsi tuku lu nitlan titaxtukan, tlawa pi latamat lu tuwa nawan. Max uku tuwa tuku titaxtupat chu max lakpuwana pi ni kgalhini kuenta nalatapaya o pi niti lilakgaputsayan. Pero kakatsi pi Dios nitlan limakgkatsi akxni akxilha pi patinampat. Xla lu lilakgaputsayan.

Tiku tsokgli Salmo 86 maklakaskilh uma tachuwin xlakata nalimasiya pi xlipawan Dios: «Akxni klakgaputsamaj, naktasaniyan, porque kkatsi xlakata wix nakimaxkiya tu kmakgskinan» (Salmo 86:7SXP). Pero max miʼakstu kgalhskinkana: «¿La kinkakgalhtiyan Dios akxni lu lakgaputsayaw?».

Maski Dios ni tunkun katilakkaxtlawalh putum kintaʼakglhuwitkan, malaknu pi nakinkamaxkiyan takaksni kkinakujkan xlakata natayaniyaw. Anta kxTachuwin, Biblia, kinkawaniyan: «Nitu xatu ntu ntililakgaputsayatit; chi wampi wata paks kamasiyutit kxlakatin Dios wa ntu lakaskinatit kmioraciónkan, chu lantla mpala tu nalixakgatlilakapinatit, su naskinatit, na natamastayatit mpaxkatsinit. Chu wa xkatsit xtatanksni Dios, wa ntu lakatsalaniy xlipaks kintapuwankan, naskgala minakujkan, chu mintapuwankan» (Filipenses 4:6, 7). Kalilakpuwanti umakgolh textos chu na’akxilha la lilakgaputsayan Dios.

Dios lilakgaputsayan

«Ni tantum [aktsu tsiktsi] mpala tapatsankganit kxlakatin Dios. [...] Tlakg xaliwaka wixin nkgalhiyatit milakgasikan, nixawa lhuwa laktsu [tsiktsi]» (Lucas 12:6, 7).

KALILAKPUWANTI UMA: Kxlakatin Dios, tantum aktsu tsiktsi lu xtapalh. Akinin tlakg xtapalh kxlakatin Dios nixawa laktsu tsiktsi. Akinin tiku tlakg xlakaskinka tamalakatsukin unu kkatiyatni, xlakata kinkamalakatsukin chuna la xla chu tlan nakgalhiyaw chu nalimasiyayaw tayat nema xla kgalhi (Génesis 1:26, 27).

Oh Jehová «wix kilikgalhtawakganita y staranka kilakgapasa. [...] Makgachakgxiya kalakgamakgat kintalakapastakni. [...] Kakilikxilhti, kakxilhti kintapuwan» (Salmo 139:1, 2, 23SXP).

KALILAKPUWANTI UMA: Dios liwana lakgapasan. Lakgapasa tuku lilakgaputsaya chu tuku makgkatsiya. Maski max amakgapitsin ni katiʼakgatekgskgolh putum mintalipuwan, Dios lilakgaputsayan chu makgtayaputunan. Uma tlawa pi nalatapaputuna.

 Milatamat xlakaskinka

Oh Jehová, «kakgaxpatti kiʼoración, kalakgchan [tuku ktasaskiniman]. [...] Kakinkgaxpatti, sokg kakinkgalhti akxni kkilhaniyan». Jehová «nakgaxmata ixoracionkan ti ni lakgtliwekge» (Salmo 102:1, 2, 17SXP).

KALILAKPUWANTI UMA: Xtachuna la komo Dios tsokgwilinit akgatunu xlakgpixtajatkan latamanin lata xapulana (Salmo 56:8). Chu na tsokgwilikanit lata wix tasanita. Dios lakapastaka putum taʼakglhuwit nema wix titaxtunita chu la xlilhuwa tasanita, xlakata lu xtapalh liʼakxilhan.

«Ni anu anu kalakapi, xlakata akit miDios. Xlikana akit nakmatliwakglhan. Lu xlikana akit nakmakgtayayan [...]. Jehová miDios[...] waniyan: “Ni kapekuanti. Akit xlikana nakmakgtayayan”» (Isaías 41:10, 13).

KALILAKPUWANTI UMA: Dios makgtayaputunan. Komo nalhtuja xla namakiyan.

Kinkakgalhkgalhiman xatlan kilhtamaku

«Lu[...] chuna mpaxkilh Dios ntachixkuwitat, wa ntilimastalh nchastum xKam, lakimpi xlipaks wa nti nkanajlaniy, ni katitsankgalh, wampi wata nakgalhiy xlatamat wa ntu xaliʼankgaIhin» (Juan 3:16).

KALILAKPUWANTI UMA: Dios lu paxkiyan pi asta mimpalakata mastalh xlatamat xKgawasa, Jesús. Uma tamakamastan maxkiyan talakaskin xlakata tlan nakgalhiya xatlan latamat chu putum kilhtamaku napaxuwaya. *

Maski lu lakgaputsaya chu makgkatsiya pi nialh tayaniya, kalimaxtu kilhtamaku nalikgalhtawakgaya Biblia chu kamatliwakglhti la kanajlaniya xtamalaknun Dios. Uma namakgapaxuwayan chu naʼakxilha pi kgalhini kuenta nalatapaya.

^ párr. 19 Komo tlakg katsiputuna tuku tlan kitaxtu xpalakata xtamakamastan Cristo, kaʼakxilhti video Kalakapastakwi akxni tinilh Cristo nema wi kʼInternet www.jw.org. Kapit niku wan LIKGALHTAWAKGA > VIDEOS > KINTAMAKXTUMITKAN CHU LA KLICHUWINANAW DIOS.