Ankan kxpulakni

Xtatayananin Jehová

Laksakkan tachuwin totonaco

La xlitamatitaxtit tamakxtumit xlatamat chu xtaskujut kstalanina Cristo

La xlitamatitaxtit tamakxtumit xlatamat chu xtaskujut kstalanina Cristo

Liputsan

 

Párrafos

Tuku nalimatsukikan

 2

Tuku lhuwa xtapalh xalak Biblia

 3

Tlakg liwana kamakgalhtawakgenaw

 4

Kilatamatkan la kstalaninanin Cristo

 5

Tachuwin nema nalimasputukan

 6

Tlakg tlan kakgalhtawakga chu kamasiya

 7

Tuku xlitlawat

 8

La xlilhuwa xlimakgapalat

 9

Visita xla superintendente de circuito

 10

Semana xla asamblea

 11

Semana akxni lakapastakkan akxni tinilh Cristo

 12

Tiku lakkaxwili tuku natamatitaxti Xlatamat chu xtaskujut kstalanina Cristo

 13

Tiku napulalin tamakxtumit

 14

Kgolotsin tiku kamakgtaya lakgkgolotsin nalakkaxwilikgo xtaskujutkan

 15

Xmakgtayana tiku stakyawanan

 16

Taʼakgchuwin kʼatanu sala

 17

Videos

 18

1. Tamakxtumit xla Xlatamat chu xtaskujut kstalanina Cristo natamatitaxti chuna la wan Xlatamat chu xtaskujut kstalanina Cristo, tuku natalikgalhtawakga. Putum tiku lichuwinankgo Dios tlan nakawanikan xlakata namatitaxtikgo liʼakxilhtit ktamakxtumit. Amakgapitsi tiku ankgo kputum tamakxtumit chu makgamakglhtinankgo tuku masiya Biblia chu limakgolh xlatamatkan chuna la masiya Biblia na tlan namatitaxtikgo (be-S pág. 282).

 2. Tuku nalimatsukikan: 3 minutos o maski ni natakgatsi. Tamakxtumit nalitsuku takilhtlin chu oración. Alistalh, tiku pulalin tamakxtumit Xlatamat chu xtaskujut kstalanina Cristo natlawa pi lu nakatsiputunkan tuku aku natamatitaxti chu tlakg nalichuwinan takgalhskinin nema min Xtakgalhtin takgalhskinin Xlatamat chu xtaskujut kstalanina Cristo.

 3. Tuku lhuwa xtapalh xalak Biblia:

  • Taʼakgchuwin: 10 minutos. Tema nema natamatitaxti chu akgtiy o akgtutu tuku tlakg xlakaskinka natalichuwinan, anta natakilhtiya Xlatamat chu xtaskujut kstalanina Cristo, tuku natalikgalhtawakga. Uma taʼakgchuwin namatitaxti kgolotsin o siervo ministerial tiku liwana katsi la namatitaxti. Akxni namatsukikan maktum xasasti libro xalak Biblia, nalimatsukikan akgtum video. Tiku namatitaxti taʼakgchuwin tlan nalichuwinan la tatalakxtumi video xtema xtaʼakgchuwin, pero talakaskin nalichuwinan akgatunu tuku limin Tuku natalikgalhtawakga. Nachuna, nalichuwinan putum dibujos, xlakata uma xtatakgatsin tuku natalichuwinan.

  • Kaputsaw kBiblia tuku lhuwa xtapalh: 8 minutos. Uma tuku natamatitaxti natamaklakaskin takgalhskinin chu takgalhtin, ni talakaskin nalakkaxwilikan la namatsukikan chu la namakgalhsputukan. Namatitaxti chatum kgolotsin o siervo ministerial tiku liwana katsi la namatitaxti. Maski xla tlan nalakkaxwili la xlilhuwa kilhtamaku nalimaxtuni akgatunu takgalhskinin chuna la natalakaskin kcongregación, xlilat nakatlawani natalan putum takgalhskinin. Na tlan nalakkaxwili komo nalikgalhtawakgakgo textos nema min xapulana akgtiy takgalhskinin. Natalan tiku namastakgo xtakgalhtinkan xlimakgapalatkan 30 segundos o maski ni natakgatsi.

  • Natalikgalhtawakga: 4 minutos o maski ni natakgatsi. Uma namatitaxti chatum tala chixku, ni nawan tuku nalimatsuki chu tuku nalimasputu. Tiku pulalima uma tamakxtumit nakamakgtaya tiku kalakgchan nalikgalhtawakgakgo Biblia xlakata liwana nakgalhtawakgakgo, naʼakgatekgskgo, ni lu nakgalhchakgxtayakgo, stlan natakgaxmata tuku likgalhtawakgamakgo, nalakgpali la takgaxmata anta niku xlilat, tlakg pixlanka nawan tachuwin nema xlilat chu natachokgo niku talakaskin.

  4. Tlakg liwana kamakgalhtawakgenaw: 15 minutos o maski ni natakgatsi. Uma tamakxtumit lakkaxwilikanit xlakata putum nakatsinikgo la nalichuwinankgo Dios chu tlakg liwana namasiyakgo. Liʼakxilhtit xla akxni wi tiku xapulana natachuwinana chu akxni nalakgtaspita, anta natakilhtiy «Tuku tlan nawanaw akxni nakatachuwinanaw latamanin» nema min kpágina 1 xla Xlatamat chu xtaskujut kstalanina Cristo. Komo lakaskinkgo, natalan tlan namastakgo maktum likgalhtawakga o namasiyakgo akgtum video xla kit de enseñanza. Xlatamat chu xtaskujut kstalanina Cristo wan la xlilhuwa namakgapala pulakatunu liʼakxilhtit, chu min kilhtamaku, wan atanu tuku na xlitatlawat. Ni talakaskin pi natalan naputsakgo atanu tuku nalichuwinankgo kaj xlakata nalimaklakaskinkgo putum kilhtamaku. Makgapitsi liʼakxilhtit nema liwana lakkaxwilikanit tlan masputukan akxni tsankgajku akgtum minuto o liwaka. Komo talakaskin, lakgkgolotsin tlan namatitaxtikgo uma li’akxilhtit.

  • Videos niku masiya la nakatachuwinanaw latamanin: Akgatunu semana xla akgatunu papa’ nawilikan chu nakalitachuwinankan natalan akgtum video niku masiya la nakatachuwinanaw latamanin. K’umakgolh videos natasiya akxni xapulana wi tiku natachuwinana, akxni xapulana nalakgtaspita chu akxni xlimakgtiy nalakgtaspita. Uma nalakgchan tiku pulalin tamakxtumit.

  • Akxni xapulana wi tiku natachuwinana: Uma liʼakxilhtit tlan namatitaxti tala chixku o tala puskat. Tiku namatitaxtikgo lakxtum natalan lakpuskatin o natalan lakchixkuwin o chatum xalak xfamilia tlan namakgtaya. Tiku namatitaxtikgo tlan natawilakgo o kaj natayakgo. Tiku namatitaxti natlawa chuna la chuwinankan akxni chankan kʼakgtum chiki anta niku lichuwinankgo Dios. Tlan natamaklakaskin liʼakxilhtit nema min «Tuku tlan nawanaw akxni nakatachuwinanaw latamanin».

  • Akxni xapulana nalakgtaspita: Tlan namatitaxti tala chixku o tala puskat. Tiku namatitaxtikgo lakxtum natalan lakpuskatin o natalan lakchixkuwin (km-S 5/97 pág. 2). Tiku namatitaxtikgo tlan natawilakgo o kaj natayakgo. Tiku matitaxtima xlimasiyat tuku wankan akxni lakgapaxialhnamparakan tiku lakgatilh tuku litachuwinanka akxni xapulana tachuwinanka. Tlan natamaklakaskin liʼakxilhtit nema min «Tuku tlan nawanaw akxni nakatachuwinanaw latamanin».

  • Akxni xlimakgtiy nalakgtaspita: Tlan namatitaxti tala chixku o tala puskat. Tiku namatitaxtikgo lakxtum natalan lakpuskatin o natalan lakchixkuwin (km-S 5/97 pág. 2). Tiku namatitaxtikgo tlan natawilakgo o kaj natayakgo. Tiku matitaxtima xlimasiyat  tuku wankan akxni lakgapaxialhnamparakan tiku lakgatilh tuku litachuwinanka akxni xapulana lakgtaspitka. Tlan natamaklakaskin liʼakxilhtit nema min «Tuku tlan nawanaw akxni nakatachuwinanaw latamanin».

  • Takgalhtawakga xalak Biblia: Tlan namatitaxti tala chixku o tala puskat. Tiku namatitaxtikgo lakxtum natalan lakpuskatin o natalan lakchixkuwin (km-S 5/97 pág. 2). Tiku namatitaxtikgo tlan natawilakgo o kaj natayakgo. Lakkaxwilikanit uma xlakata nakinkamasiyaniyan la tlawakan akgtum takgalhtawakga xalak Biblia akxni matsukikanita takgalhtawakga. Ni talakaskin nalakkaxtlawa la namatsuki o namakgalhsputu, kaj akxni tiku matitaxtima wa uma tuku liskujma. Maski tlan nalikgalhtawakgaya putum tuku lakgchan párrafos ni talakaskin chuna natlawaya. Talakaskin natasiya pi tlan makgalhtawakgenanaw.

  • Taʼakgchuwin: Xlimastat chatum tala chixku chu namasta la akgtum taʼakgchuwin kcongregación.

  5. Kilatamatkan la kstalaninanin Cristo: Akxni kilhtlikanita takilhtlin tuku litsuku, matitaxtikan sección nema makgapala 15 minutos, pulaktum o pulaktiy tapitsinit chu matitaxtikan xlakata nakamakgtayakan congregación namakgantaxtikgo tuku wan xTachuwin Dios. Komo ni wan tiku xlimatitaxtit, tlan namatitaxti chatum kgolotsin o siervo ministerial, pero komo lakgchan tuku xlitlawat congregación kajwatiya xlimatitaxtitkan lakgkgolotsin.

  • Takgalhtawakga nema takilhtinit kBiblia kcongregación: 30 minutos. Uma namatitaxti kgolotsin tiku liwana katsi la namatitaxti. (Kcongregaciones niku ni anan lhuwa lakgkgolotsin tlan nakamaklakaskinkan siervos ministeriales tiku liwana katsikgo la namatitaxtikgo). Putum lakgkgolotsin nalaksakkgo tiku tlan namatitaxti Takgalhtawakga nema takilhtinit kBiblia kcongregación. Tiku nakalaksakkan liwana xlimatitaxtitkan uma tamakxtumit, ni namalakatsalikgo kilhtamaku nema lakkaxwilikanit, nalichuwinankgo textos nema tlakg xlakaskinka chu nakawani amakgapitsin la makgtayanan tuku talichuwinama. Natekgskgo lu tlan tastakyaw nema lu nakamakgtaya nema taxtukgonit niku lichuwinan la namatitaxtikan takgalhtawakga xla Makatsinina. Komo tatlani akgatunu semana natalakgpalitilha tiku namatitaxti uma takgalhtawakga chu tiku nalikgalhtawakga párrafos. Komo tiku pulalima Xlatamat chu xtaskujut kstalanina Cristo naskini pi kamaʼaktsuwilh takgalhtawakga, tiku pulalima nalaksaka la namaʼaktsuwi. Pulaktum tuku tlan natlawa wa pi ni natalikgalhtawakga makgapitsi párrafos.

  6. Tachuwin nema nalimasputukan: 3 minutos o maski ni natakgatsi. Tiku pulalima uma tamakxtumit tlakg nalichuwinan tuku nalitamakgtayakgo natalan nema lichuwinanka ktamakxtumit chu na nalichuwinan takgalhskinin chu takgalhtin xla Xtakgalhtin takgalhskinin Xlatamat chu xtaskujut kstalanina Cristo. Na tlan nalichuwinan akgtum takgalhskinin nema naʼakxilhkan semana nema aku mima, xlakata natalan tlakg nakatsiputunkgo chu nalilakapastaknankgo. Komo anan kilhtamaku tlan nawan xtukuwanikan tiku kalakgchan namatitaxtikgo liʼakxilhtit semana nema aku mima. Komo ni wan tuku xlitatlawat, tiku pulalima tlan namaklakaskin uma kilhtamaku xlakata namatitaxti tamakatsin chu nalikgalhtawakga carta kcongregación. Tamakatsin xala akgatunu semana, la kilhtamaku akxni talichuwinan Dios o tiku lakgchan nakapalhnan ni xlitamatitaxtit kplataforma, wata nakawilikan ktablero. Komo ni akchan kilhtamaku xlakata natamasta tamakatsin o xlakata natalikgalhtawakga maktum carta, tiku pulalima naputsa la natlawa o nakaskini tiku wi tuku namatitaxtikgo ksección «Kilatamatkan la kstalaninanin Cristo» namaʼaktsuwikgo tuku kalakgchan (kaʼakxilhti  párrafos 5 chu  9). Tamakxtumit nalimakgalhsputukan takilhtlin chu oración.

 7. Tlakg tlan kakgalhtawakga chu kamasiya: Semana 7 xla enero kata 2019, tiku pulalin tamakxtumit xla Xlatamat chu xtaskujut kstalanina Cristo namaklakaskin folleto Tlakg tlan kakgalhtawakga xlakata nakamakgpuwantini chu nakawani tuku tlan naliskujkgo. Chatunu tiku namatitaxti taʼakgchuwin o akgtum liʼakxilhtit xlitlawat tuku wan número nema min kparentesis kxpaxtun pulakatunu tuku xlitatlawat nema min kXlatamat chu xtaskujut kstalanina Cristo. Kxapulana semana xla akgatunu papaʼ, tiku pulalin tamakxtumit nakalitachuwinan natalan akgtum lección xla folleto Tlakg tlan kakgalhtawakga. Sección «Katsokgwilitilha la katsinitilhapat» nema min kfolleto namaklakaskinkgo natalan chu ni wa tiku pulalin tamakxtumit.

  8. Tuku xlitlawat: Akxni natalan matitaxtikgonita tuku xkalakgchan. Tiku pulalima tamakxtumit kgalhi max akgtum minuto xlakata nakalimakgpuwantini chu nakalistakyawa tuku wan folleto Tlakg tlan kakgalhtawakga. Akxni tiku pulalima tamakxtumit nawan tuku kalakgchan natalan, ni katiwa tuku liskujma. Maski chuna, akxni tala matitaxtinita tuku xlakgchan chu akxni makgpuwantinikanita, tiku pulalima tamakxtumit tlan nawan tuku lección xliskujma xla folleto, tlan nawan tuku tlan tlawalh chu tuku xlakata talakaskin tlakg naliskuja uma lección. Tiku pulalima tamakxtumit na tlan nalichuwinan atanu tuku tlan tlawalh tala komo naʼakxilha pi uma namakgtaya tala chu amakgapitsi tiku anta wilakgo. Akxni nasputa tamakxtumit o atanu kilhtamaku, tlan nakamaxkikan atanu tastakyaw nema nakamakgtaya chu anta natakilhtiya kfolleto Tlakg tlan kakgalhtawakga o klibro Benefíciese, max tlan nalitachuwinankan lección nema xliskujma o atanu. (Komo tlakg katsiputuna tuku xlitlawat tiku pulalin tamakxtumit chu xmakgtayana tiku stakyawanan kaʼakxilhti  párrafos 13 chu  16).

    9. La xlilhuwa xlimakgapalat: Niti xlimalakatsalit kilhtamaku nema lakgchan, nipara tuku nawan tiku pulalin tamakxtumit. Akxni chatum tala malakatsalima xkilhtamaku nema lakgchan lakatsuku nawanikan. Komo amakgapitsin natalan nema na natitaxtukgo malakatsalikgo kilhtamaku, xmakgtayana tiku stakyawanan alakatanu niku nakawani tuku xliskujatkan. Putum tamakxtumit, takilhtlin chu oraciones, xlimakgapalat akgtum hora 45 minutos.

 10. Visita xla superintendente de circuito: Akxni superintendente de circuito lakgapaxialhnama congregación, programa namatitaxtikan chuna la wan Xlatamat chu xtaskujut kstalanina Cristo, tuku natalikgalhtawakga pero ni namatitaxtikan Takgalhtawakga nema takilhtinit kBiblia kcongregación, wata namatitaxti xtaʼakgchuwin superintendente 30 minutos. Akxni nina tamatitaxti xtaʼakgchuwin superintendente, tiku pulalima Xlatamat chu xtaskujut kstalanina Cristo nalichuwinan tuku akxilhka, na nawan tuku natamatitaxti semana nema aku mima, namasta tamakatsin nema xlakaskinka, nalikgalhtawakga cartas nema lu xlakaskinka chu aku nawan taʼakgchuwin nema namatitaxti superintendente. Akxni superintendente namasputu xtaʼakgchuwin, nalimasputu takilhtlin nema laksaknit. Ni xlitamaklakaskinat sala b xlakata namatitaxtikan liʼakxilhtit kxtachuwin congregación akxni superintendente kalakgapaxialhnama. Pero grupos xla atanu tachuwin tlan nakgalhikgo xtamakxtumitkan kxtachuwinkan maski congregación tiku tapakgsinikgo kalakgapaxialhnama superintendente de circuito. Pero naʼankgo ksala principal xlakata nakgaxmatkgo taʼakgchuwin nema namasta kcongregación superintendente.

 11. Semana xla asamblea: Semana akxni naʼanan laklanka tamakxtumit, ni katiʼanalh tamakxtumit kcongregación. Tuku xlakgchan natamatitaxti kcongregación ama semana, chatunu chatunu nalikgalhtawakga o putum familia.

 12. Semana akxni lakapastakkan akxni tinilh Cristo: Komo xitat semana nalakgchan akxni  nalakapastakkan akxni tinilh Cristo, ni katiʼanalh tamakxtumit Xlatamat chu xtaskujut kstalanina Cristo. Pero naʼanan tamakxtumit nema tlawakan akxni ankan lichuwinankan Dios.

  13. Tiku lakkaxwili tuku natamatitaxti Xlatamat chu xtaskujut kstalanina Cristo: Chatum kgolotsin tiku laksakkanit napulalin tamakxtumit Xlatamat chu xtaskujut kstalanina Cristo. Wa lakgaya taskujut pi tlan nakitaxtu uma tamakxtumit chu natatlawa chuna la wan uma carta. Liwana nataskuja xmakgtayana tiku stakyawanan. Akxni congregación kgalhiya Xlatamat chu xtaskujut kstalanina Cristo, tuku natalikgalhtawakga xla akgatunu papaʼ, tiku pulalin tamakxtumit tunkun xlitlawat tuku nakalakgchan natalan kʼuma papaʼ (kaʼakxilhti  párrafo 4). Xlitamaklakaskinat formulario Asignación xlakata xlatamat chu xtaskujut kstalanina Cristo (S-89) xlakata nakamakatsinikan tuku kalakgchan akxni akgtutu semana tsankga.

 14. Tiku napulalin tamakxtumit: Akgatunu semana, chatum kgolotsin napulalin tamakxtumit Xlatamat chu xtaskujut kstalanina Cristo wa nalimatsuki tachuwin chu namakgalhsputu tamakxtumit. (Kcongregaciones niku ni anan lhuwa lakgkgolotsin, tlan nakalakgayawakan siervos ministeriales tiku tlan namakgantaxtikgo taskujut). Tiku napulalin tamakxtumit nalakkaxwili tuku nalimatsuki chu tuku nalimakgalhsputu, nalichuwinan videos niku masiya la nakatachuwinanaw latamanin chu video nema lichuwinan akgtum lección xla folleto Tlakg tlan kakgalhtawakga. Namatitaxti putum tuku nataʼakxilha, chu komo ni anan lhuwa lakgkgolotsin, na tlan namatitaxti makgapitsi taʼakgchuwin. Ni lhuwa xlichuwinat kilhtamaku akxni sputa pulaktu chu tsuku apulaktu. Lakgkgolotsin nalaksakkgo tiku xlilat natlawa uma taskujut. Lakgkgolotsin tiku kalaksakka, tlan napulalinkgo tamakxtumit ni xmakgasni. Komo ni lhuwa lakgkgolotsin anan, superintendente xla tamakxtumit max wa tlakg makglhuwa napulalin tamakxtumit nixawa makgapitsi lakgkgolotsin. Komo chatum kgolotsin tlan matitaxti Takgalhtawakga nema takilhtinit kBiblia kcongregación, na tlan napulalin tamakxtumit. Pero kuenta xlitatlawat pi kgolotsin tiku napulalin tamakxtumit lakatitum nakawani pi tlan tlawakgolh chu nakamaxki tastakyaw tiku kalakgchalh taʼakgchuwin o liʼakxilhtit. Na wa lakgchan kuentajnatlawa pi ni namalakatsalikan kilhtamaku la xlikgalhsputat tamakxtumit (kaʼakxilhti  párrafos 6 chu  9). Komo lakaskin chu anan niku nawilikan micrófono, tlan nawilikan kplataforma xlakata nawantilha tiku lakgchan namasta taʼakgchuwin akxni kaxwilinimaka xmicrófono tiku naʼakgchuwinan. Xlakata ni namalakatsalikan kilhtamaku, na tlan nawilikan kplataforma akgtum mesa chu silla xlakata tiku pulalima tamakxtumit natawila akxni nalikgalhtawakgakan Biblia chu akxni namatitaxtikan sección «Tlakg tlan kamakgalhtawakgenaw».

 15. Kgolotsin tiku kamakgtaya lakgkgolotsin nalakkaxwilikgo xtaskujutkan: Uma kgolotsin nawan tuku nakalakgchan amakgapitsi lakgkgolotsin, pero ni wa lakgchan nawan tiku kalakgchan taʼakgchuwin chu liʼakxilhtit ktamakxtumit. Na wa nalaksaka tiku napulalin tamakxtumit akgatunu semana chu akxtum nataskuja superintendente xla tamakxtumit xlakata kuenta natlawa pi namawakakan ktablero putuminika programa.

  16. Xmakgtayana tiku stakyawanan: Tlakg tlan nawan komo wi chatum kgolotsin tiku katsini la namatitaxtikan taʼakgchuwin xlakata wa natlawa uma taskujut. Xmakgtayana tiku stakyawanan wa nakamaxki tastakyaw tiku matitaxtikgo liʼakxilhtit akxni xakstukan wilakgo chu komo natalakaskin, na nakastakyawa lakgkgolotsin chu siervos ministeriales tiku wi tuku matitaxtikgo ktamakxtumit Xlatamat chu xtaskujut kstalanina Cristo, tiku mastakgo taʼakgchuwin, pulalinkgo takgalhtawakga xla Makatsinina o Takgalhtawakga nema takilhtinit kBiblia kcongregación, chu nachuna tiku likgalhtawakgakgo párrafos (kaʼakxilhti  párrafo 9). Komo lhuwa anan lakgkgolotsin kcongregación nema lu katsinikgo mastakgo taʼakgchuwin chu masiyakgo, tlan  nalakgpalikan xmakgtayana tiku stakyawanan akgatunu kata. Ni talakaskin pi namasta tastakyaw akxni makgalhsputumaka akgatunu taʼakgchuwin.

 17. Taʼakgchuwin kʼatanu sala: Komo lhuwa anan tiku namatitaxtikgo xtaʼakgchuwinkan, congregaciones tlan namaklakaskinkgo sala b. Akgatunu sala nakgalhikgo chatunu xmakgtayana tiku stakyawanan, tlakg tlan komo chatum kgolotsin. Akxni natalakaskin, tlan nalakgataya chatum siervo ministerial tiku tlan namakgantaxti. Lakgkgolotsin wa nalaksakkgo tiku tlan namakgantaxti uma taskujut chu na wa nawankgo komo natalakgpalitilhakgo o ni. Xmakgtayana tiku stakyawanan xlitlawat la wan  párrafo 8. Tiku kalakgchan taʼakgchuwin o liʼakxilhtit xliʼanatkan ksala b akxni matitaxtikaja «Kaputsaw kBiblia tuku lhuwa xtapalh» xla sección «Tuku lhuwa xtapalh xalak Biblia» chu nataspitparakgo ksala principal akxni matitaxtikaja «Tlakg liwana kamakgalhtawakgenaw». Komo tatlani, akxni nalichuwinankan akgtum video, tiku wilakgo ksala b, anta naʼakxilhkgo video chu nakgaxmatkgo tuku nalichuwinankan. Komo nila akxilhkgo, stakyawana wa nawili video kcelular o ktableta chu nakalitachuwinan.

 18. Videos: Ktamakxtumit xla itat semana nawilikan videos, nema tlan naʼakxilhatit kʼaplicación JW Library chu tlan namaklakaskina max teléfono o tabletas. Makgapitsi umakgolh videos na tlan nawilikan akxni ankan lichuwinankan Dios komo matitaxtikanita ktamakxtumit Xlatamat chu xtaskujut kstalanina Cristo.