Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

Tlakg kakatsini la nalichuwinana Dios: Kamatsuki takgalhchuwin nema max natlawa pi tlan nalichuwinana Dios

Tlakg kakatsini la nalichuwinana Dios: Kamatsuki takgalhchuwin nema max natlawa pi tlan nalichuwinana Dios

Jesús tlan litachuwinalh Dios samaritana, xlakata pulana atanu tuku litachuwinalh. ¿La tlan nalismaniyaw natsukuyaw katachuwinanaw tiku ni kalakgapasaw?

  • Tlan kakalikatsini chu kakatachuwinanti latamanin. Maski Jesús xtlakgwanit, matsukilh takgalhchuwin. ¿La tlawalh? Kajwatiya skilh chuchut. Wix tlan nalimatsukiya mintakgalhchuwin akxni xatapaxuwan nawaniya kgalhen chu natsukuya litachuwinana la wi kilhtamaku o tuku nina makgas lalh. Kalakapastakti pi tuku tlawaputuna wa pi natsukuya tachuwinana, wa xlakata kalitachuwinanti tuku max nalichuwinamputun uma lataman. Komo ni natachuwinanan, ni kalilipuwanti. Kalitsakgsapara atanu tiku natachuwinana. Kaskini Jehová pi kamakgtayan ni napekuana (Ne 2:4; Hch 4:29).

  • Kuenta katlawa xlakata tlan nalichuwinana xalakwan tamakatsin xla Tamapakgsin, pero ni lakapala chuna natlawaya. Kamasta talakaskin pi tlan nachuwinanatit. Komo tunkun nalitachuwinamputuna, max natlawa pi tiku tachuwinampat nialh nakgaxmatputun chu nialh natachuwinanan. Ni kalilipuwanti komo tachuwinankgota chu nila litachuwinanti Dios. Komo tuwa makgkatsiya wi tiku nalitachuwinana Dios, kalitsakgsa namatsukiya takgalhchuwin maski ni nalichuwinana Dios. [Kawili chu kalichuwinanti video 1].

  • Akxni wi tiku tachuwinampat, tlan nalitachuwinana Dios komo nawaniya tuku kanajlayaw nema max natlawa pi tlakg nakatsiputun. Wa uma tuku tlawalh Jesús: tlawalh pi puskat tlakg xkatsiputulh, chu puskat tsukulh tlawani takgalhskinin. Akxni Jesús litachuwinalh Tamapakgsin, kaj xkgalhtima takgalhskinin nema tlawalh puskat. [Kawili chu kalichuwinanti video 2, chu alistalh kawili chu kalichuwinanti video 3].