Judíos tiku xkachilinkanit tlan limakgkatsikgolh tuku maʼakxilhnika Ezequiel, xlakata xkgalhikgo takgalhkgalhin pi xaskulunku takaknin xlakkaxwilika. Kxaʼawatiya kilhtamaku, xaskulunku takaknin kaxwilikanit «kxakgspun kasipijni», chu akinin minitanchaw klhuwa kachikinin chu anta makgtapakgsiyaw (Isa 2:2). ¿Lilakpuwana talakgalhaman nema kgalhiya pi lakgapasa chu skujniya Jehová?

¿TUKU TASIKULUNALIN MAKGLHTINANAW XLAKATA XASKULUNKU TAKAKNIN?

  • Lhuwa taway xla takanajla nema kgalhti xlakaskinka takgalhskinin xla latamat, kinkamasiyaniyan la tlakg tlan nalatamayaw chu kgalhiyaw xaxlikana takgalhkgalhin (Is 48:17, 18; 65:13; Ro 15:4).

  • Lhuwa natalan xlikalanka katiyatni tiku kinkapaxkikgoyan (Sl 133:1; Jn 13:35).

  • Talakgalhaman pi akxtum taskujaw Dios kʼakgtum taskujut nema kinkamakgapaxuwayan (Hch 20:35; 1Co 3:9).

  • «Xtakaksni Dios» nema kinkamatliwakglhan akxni titaxtuyaw tuku tuwa (Flp 4:6, 7).

  • Ni xataxkajwani talakapastakni (2Ti 1:3).

  • Tlan talalinaw Jehová (Sl 25:14).

¿La tlan naklimasiya pi lu xlakaskinka kliʼakxilha xaskulunku takaknin?