Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Octubre kata 2017

 KILATAMATKAN LA KSTALANINANIN CRISTO

La tlakg tlan xlikgalhtawakgana Biblia nalitaxtuya

La tlakg tlan xlikgalhtawakgana Biblia nalitaxtuya

Chuna la Daniel, ¿ni makgatsankgananiputuna Jehová akxni naputsananikana? Daniel ankgalhin xlikgalhtawakga xTachuwin Dios, uma wamputun pi xlakputsanani tuku xlichuwinankanit pi nala (Da 9:2). ¿La namakgtayayan ni namakgatsankgananiya Dios komo liwana nalakputsananiya Biblia? Takgalhkgalhin nema kgalhiniya tuku malaknunit Dios tlakg natatliwakglha (Jos 23:14). Nachuna tlakg napaxkiya Dios chu uma namakgpuwantiniyan natlawaputuna tuku tlan (Sl 97:10). Pero ¿niku namatsukiya? Kalilakpuwanti umakgolh tastakyaw.

  • ¿Tuku kilikgalhtawakgat? Akgtum tlan takgalhtawakga makgtanuma lakkaxwilikan tuku nataʼakxilha ktamakxtumit. Tlakg nalitamakgtayaya takgalhtawakga xla akgatunu semana xalak Biblia komo nalimaxtuya kilhtamaku naputsananiya tuku ni akgatekgsa. Lhuwa tiku lakgatikgo lakputsananikgo tuku Biblia wan pi nala, xtawakat espíritu santo, niku apóstol Pablo lichuwinantapulilh Dios o tuku malakatsukinit Jehová. Komo akgtum kilhtamaku miʼakstu wi tuku kgalhskinka xlakata Biblia, katsokgwili chu uma tlan naputsananiya akxni nakgalhtawakgaya.

  • ¿Niku tlan naktekgsa tamakgtay? Makgapitsi tastakyaw tlan natekgsa kvideo Tuku liputsanankan xlakata natekgsa tuku lhuwa xtapalh xalak Biblia. Xlakata nalimakgatawakgaya, kaputsananti tuku lanka tamapakgsin kilhchanima tanatunu lapanit nema lichuwinan capítulo 7 xla Daniel.

  • ¿La xlilhuwa kilhtamaku nakkgalhtawakga? Xlakata tlan natatliwakglha mintakanajla, talakaskin ankgalhin nakgalhtawakgaya. Komo tlan akxilha, tlan nalimatsukiya akgtum takgalhtawakga nema ni lu namakgapala chu tsinu tsinu namaliwakatilhaya la namakgapala. Likgalhtawakgakan xTachuwin Dios xtachuna la xputsa tuku lhuwa xtapalh: akxni tlakg natekgsa, tlakg pulhman nawaxputuna (Pr 2:3-6). Tapaxkit nema kgalhiniya xTachuwin Dios tlakg nastaka chu akgtum talismanin nawan nalikgalhtawakgaya (1Pe 2:2).

¿TIKU KAKILHCHANIMA LAPANIT NEMA LICHUWINAN CAPÍTULO 7 XLA DANIEL?

  • Da 7:4

  • Da 7:5

  • Da 7:6

  • Da 7:7

AMAKGAPITSI TAKGALHSKININ:

¿La kgantaxtulh Daniel 7:8, 24?

ATANU TUKU TLAN NAPUTSANANIYA:

¿Tuku kakilhchanima lapanit nema talichuwinan kcapítulo 13 xla Apocalipsis o Revelación?