Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Octubre kata 2016

 TUKU LHUWA XTAPALH XALAK BIBLIA | PROVERBIOS 1-6

«Kalipawanti Jehová xliputum minaku»

«Kalipawanti Jehová xliputum minaku»

Jehová lakgchan nalipawanaw xliputum kinakujkan. Tuku wamputun xtukuwani tlawa pi tlakg nalipawanaw pi namakgantaxti putum tuku malaknu. Oración lu xlakaskinka xlakata tlakg nalipawanaw Dios. Kcapítulo 3 xla Proverbios kinkawaniyan pi komo nalipawanaw Jehová, xla namatanksa kintijikan.

¿Tuku tlawa tiku lakpuwan pi lu skgalala?

3:5-7

  • Tlawa tuku xla lakpuwan chu ni putsa xtamakgtay Jehová.

  • Tlakg lipawan xtalakapastakni chu tuku wankgo amakgapitsin.

¿Tuku tlawa tiku lipawan Jehová?

  • Xlakata tlakg tlan natalalin Dios, likgalhtawakga Biblia, lilakpuwan chu tlawa oración.

  • Akxni wi tuku tlawaputun kuenta tlawa tuku lakpuwan Jehová chu lakputsanani xtastakyaw Biblia.

¿LA KLAKSAKA TUKU KTLAWA?

PULANA klaksaka naktlawa tuku klakpuwan pi tlakg tlan.

PULANA kskini Jehová pi kakilipulalilh oración chu akxni kiʼakstu kkgalhtawakga.

ALISTALH kskini Jehová pi kasikulunatlawalh tuku klaksaknit naktlawa.

ALISTALH ktlawa chuna la wan xtastakyaw Biblia.