Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Octubre kata 2016

 TUKU LHUWA XTAPALH XALAK BIBLIA | PROVERBIOS 12-16

¡Tlakg tlan nakgalhiya liskgalala nixawa nakgalhiya oro!

¡Tlakg tlan nakgalhiya liskgalala nixawa nakgalhiya oro!
LAKGPALIKAN LA TASIYA
Texto
Imagen

¿Tuku xlakata xliskgalala Dios lhuwa xtapalh? Xlakata kamakgtaya tiku kgalhikgo ni naʼankgo knixatlan tiji chu chuntiya nalatamakgo. Uma liskgalala tlawa pi xtayatkan, xtachuwinkan chu tuku tlawakgo xatlan nawan.

Liskgalala kinkamakgtayayan ni tlankajwa nawanaw

16:18, 19

  • Tiku skgalala liwana katsi pi wa Jehová tiku kgalhi xliputum liskgalala.

  • Tiku tlan kitaxtuni kxlatamat chu tlakg lakgayawakan taskujut kcongregación, kuenta xlitlawat xlakata ni tlankajwa namakgkatsikan.

Liskgalala tlawa pi tlan nakatachuwinanaw amakgapitsin

16:21-24

  • Tiku skgalala ni kajwatiya akxilha tuku tasiya, putsa xatlan tayat nema kgalhikgo amakgapitsin chu tlan kalichuwinan.

  • Tiku skgalala ni lixkajni chuwinan; wata xtachuwin lu tlan xtachuna ksakgsi cera chu kamatlawi tuku tlan amakgapitsin.