Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Octubre kata 2016

 TUKU LHUWA XTAPALH XALAK BIBLIA | PROVERBIOS 22-26

«Kamamakgatawakga kgawasa xlakata tiji niku xliʼanat»

«Kamamakgatawakga kgawasa xlakata tiji niku xliʼanat»

Libro xla Proverbios limin lu tlan tastakyaw xlakata natlatni. Chuna la xaskgata xpakgan kiwi staka niku nalimakankan, tuku natlatni kamasiyanikgo xkamanankan natlawa pi naskujnaniputunkgo Jehová akxni nastakkgo.

22:6

  • Talakaskin kilhtamaku chu lu naliskujkan xlakata liwana nakamasiyanikan kamanan.

  • Natlatni tlan liʼakxilhtit xliwilinitkan xkamanankan, lu naliskujkgo nakamasiyanikgo, nakawanikgo tuku xlitlawatkan, nakamatliwakglhkgo chu nakastakyawakgo.

22:15

  • Tastakyaw kilhchanima tuku masiyani talakapastakni chu naku natlawa tuku tlan.

  • Kamanan tanu tanu tastakyaw maklakaskinkgo.