Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

Kaliskujwi xlakata nakalitachuwinanaw Dios tiku tanu tanu xtachuwinkan

Kaliskujwi xlakata nakalitachuwinanaw Dios tiku tanu tanu xtachuwinkan

Latamanin tlakg kgaxmatkgo tamakatsin xla Tamapakgsin akxni kxtachuwinkan kgaxmatkgo. Max wa xlakata, kPentecostés kkata 33, Jehová tlawalh pi judíos tiku ni xmakgxtakgkgo «xalak putum kachikinin» xkgaxmatkgolh xtachuwin Dios kxtachuwinkan maski max xchuwinankgo hebreo o griego (Hch 2:5, 8). La uku, anan congregaciones xalak tanu tanu tachuwin nema lakxtum niku lichuwinankgo Dios. ¿Tuku talakaskin xlakata publicadores xalak umakgolh congregaciones ni kaj paxkat natlawakgo xkilhtamakujkan chu ni nakamaʼakglhuwikgo xtalakatsuninkan?

  • Nalatachuwinan (Pr 15:22): Superintendentes xla servicio xlilakkaxwilitkan chu xlilakputsatkan tuku xputumkan nakamakgtaya. Congregaciones tiku chuwinankgo atanu tachuwin max nalakaskinkgo pi ni nalichuwinanaw Dios kchiki niku xlakan kalakgchan komo niku lichuwinankgo dios ni lanka. Pero komo max niku lichuwinankgo Dios lu lanka chu nila ankgalhin lakgatsalakgo, max nalakaskinkgo pi nachuwinanaw kʼakgatunu chiki chu nakamakatsiniyaw komo wi tiku tlakg nakatsiputun nema wa kalakgchan namasiyanikgo (od-S pág. 93 párr. 37). O max naskinikgo tamakgtay kincongregacionkan xlakata nakatekgskgo latamanin tiku chuwinankgo kxtachuwinkan chu chuna nalhkawilikgo pi wa kalakgchan (km 7/12 pág. 5, recuadro). Kalakapastakwi pi kʼakgtum chiki, max chuwinankan liwaka akgtum tachuwin. Chuna la lakgatsalakan akgtum territorio xlimakgantaxtit limapakgsin xalak país niku wan pi ni xlitamalakgatumit tuku katsikan xla chatum lataman.

  • Nalamakgtayakan (Ef 4:16): Talakaskin natlawayaw tuku nakinkawanikgoyan superintendentes xla servicio. ¿Makgalhtawakgemaw chatum tiku ni chuwinan kintachuwinkan? Max uma lataman tlan lakapala nastaka xtakanajla komo natalakkaxlayaw chatum publicador xalak akgtum congregación o grupo nema chuwinan xtachuwin xlakata namakgalhtawakge.

  • Nalakkaxwilikan (Pr 15:28; 16:1): Komo niku lichuwinana Dios natekgsa tiku chuwinan atanu tachuwin, kaliskujti xlakata nalitachuwinana Dios. Xlakata nakatsiya tuku natlawaya, kalakpuwanti tuku tachuwin chuwinankan niku lichuwinana Dios chu kamakti Biblia chu makgapitsi videos kʼumakgolh tachuwin. Na tlan namaklakaskina aplicación JW Language xlakata nakatsiya la nawana kgalhen ktipalhuwa tachuwin.