Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Noviembre kata 2016

 KILATAMATKAN LA KSTALANINANIN CRISTO

La namaklakaskinaw xasasti versión xla libro Masiya Biblia

La namaklakaskinaw xasasti versión xla libro Masiya Biblia

Libro What Can the Bible Teach Us? (nina tlawakan xatotonaco) xtachuna libro Masiya Biblia. Maktiy watiya tuku lichuwinankgo chu lakxtum la kamapitsikanit capítulos. Pero uma xasasti libro, chuna la tsokgkanit tlakg ni tuwa la akgatekgskan. Katlawanika tiku tuwa makgkatsikgo na’akgatekgskgo libro Masiya Biblia. Niku kgalhsputa uma libro ni limin apéndice, wata limin notas niku lichuwinan makgapitsi tachuwin nema min klibro. Capítulos ni liminkgo takgalhskinin tuku litsuku chu nipara recuadro xla repaso. Wata lichuwinan tsinu tuku masiya Biblia nema talichuwinalh kpárrafos. Chuna la libro Masiya Biblia, uma libro tlan namastayaw kaxatukawa kilhtamaku, maski atanu likgalhtawakga mastamaka ama papa’. ¿La tlan namaklakaskinaw tuku ni tuwa limin xlakata nalimakgalhtawakgenanaw?

TSINU TUKU TALICHUWINALH. Atsinu ni putum latamanin tlan nakamakgalhtawakgeyaw la tlawayaw, uma wamputun, nalikgalhtawakgayaw párrafos xla libro Masiya Biblia chu natlawaniyaw xtakgalhskinin. Pero ¿chu komo tiku makgalhtawakgemaw ni liwana lakgapasa tachuwin o nila liwana kgalhtawakga? Makgalhtawakgena namaklakaskin xasasti versión xla libro Masiya Biblia. Tlan namaklakaskin niku min tsinu tuku talichuwinalh k’akgatunu capítulo xlakata namakgalhtawakgenan chu max tlan nawani xlimakgalhtawakget pi xakstu kalikgalhtawakgalh tuku min kcapítulo. Kaj akgkukitsis minuto talakaskin xlakata namasiyaya pulaktum tuku xaxlikana. Niku min tsinu tuku talichuwinalh ni lhuwa tachuwin limin, ni xtachuna capítulos. Wa xlakata makgalhtawakgena liwana xlilakkaxtlawat tuku nakgalhtawakgakgo chu xlilakpuwanat tuku maklakaskin tiku makgalhtawakgema. Chu komo likgalhtawakgakgo párrafos nema min kcapítulo, makgalhtawakgena tlan namaklakaskin niku min tsinu tuku talichuwinalh xlakata namalakapastaka tuku likgalhtawakgakgolh.

NOTAS NEMA WI XLISPUTNI. Tachuwin nema minkgo k’umakgolh notas wilakgolh chuna la min klibro. Makgalhtawakgena nalaksaka komo nalichuwinankgo o ni tuku min knotas akxni likgalhtawakgamakgo uma libro.