Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Marzo kata 2016

 TUKU LHUWA XTAPALH XALAK BIBLIA | JOB 1-5

Job ni makgatsankgananilh Dios akxni tuwa tuku titaxtulh

Job ni makgatsankgananilh Dios akxni tuwa tuku titaxtulh

Job latamalh kʼUz akxni israelitas skujnin xwankgonit kʼEgipto. Maski ni israelita xwanit, putum kilhtamaku xkakninani Jehová. Lanka xfamilia xwanit chu lhuwa tuku xkgalhi. Lu lhuwa xlakgapaskan kxkachikin xlakata skgalala xwanit chu xaʼakgstitum. Nachuna, katuwa tuku xkamaxki tiku nitu xkgalhikgo chu tiku wi tuku xmaklakaskinkgo. Job lu xaʼakgstitum xwanit.

Job limasiyalh pi Jehová wa tiku tlakg xlakaskinka xwanit kxlatamat

1:8-11, 22; 2:2-5

  • Akgskgawini akxilhli pi xaʼakgstitum xwanit chu ni xmakgatsankganani Dios. Ni wa pi ni xkgalhakgaxmata Dios; wata wa pi kaj wi tuku xlakata xlikgalhakgaxmata.

  • Satanás wa pi Job kskujnani Dios xlakata kaj wi tuku xlakaskin.

  • Xlakata tlan xkgalhtinalh tuku xlimawakama, Jehová mastalh talakaskin pi wi tuku xtlawanilh Job, wa xlakata lu nitlan la wilinilh putum xlatamat.

  • Xlakata Job ni makgatsankgananilh Dios, wa xlakata Satanás wa pi chatunu chatunu lataman skujnani Dios xlakata wi tuku lakaskin.

  • Job nikxni wa pi Dios nitlan likatsi chu na ni limawakalh tuku nitlan xʼakgspulama.