Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Marzo kata 2016

 KILATAMATKAN LA KSTALANINANIN CRISTO

Kakamakgamakglhtinaw tiku naʼankgo ktamakxtumit

Kakamakgamakglhtinaw tiku naʼankgo ktamakxtumit

Miércoles 23 xla marzo, max akgkutiy millones o liwaka tiku naʼankgo ktamakxtumit akxni natalakapastaka akxni tinilh Cristo. Tiku naʼakgchuwinan nalichuwinan pi Jehová lu tlan tuku kamaskiwilh latamanin akxni mastalh talakgmaxtut chu la kimputumkan tlan nalitamakgtayayaw (Isa 11:6-9; 35:5, 6; 65:21-23; Jn 3:16). Pero ni kajwatiya tiku naʼakgchuwinan wa tiku nalichuwinan. Akinin na tlan nakamakgamakglhtinanaw tiku nakinkatatamakxtumikgoyan (Ro 15:7). Kaʼakxilhwi makgapitsi tastakyaw.

  • Ni kajwatiya natawilaya chu nakgalhkgalhiya asta akxni natsuku tamakxtumit, wata tlan kakamakgamakglhtinanti tiku naʼankgo chu tiku nialh xtamakxtumikgo. Kakatalitsinti chu tlan kakalikatsini.

  • Tlakg kuenta katlawa tiku kawani pi kaʼankgolh, pero na kuenta katlawa tiku naʼankgo xlakata maxkika maktum invitación kcampaña. Tlan nawaniya pi akxtum natatawilaya, kamasakwani miBiblia chu milibro xla takilhtlin.

  • Akxni nasputa taʼakgchuwin, kakgalhskinti komo wi tuku tlakg katsiputun. Komo mincongregación lakapala xlitaxtut xlakata natanuparakgo atanu, kawani pi tlan naʼakxilhparaya alistalh. Tlan nawaniya: «Kkatsiputun la akxilhti taʼakgchuwin. ¿La tlan xakputsan xlakata xkgalhchuwinamparaw?».