Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

Kuentajkatlawa akxni namaklakaskina redes sociales

Kuentajkatlawa akxni namaklakaskina redes sociales

TUKU XLAKATA XLAKASKINKA. Chuna la lhuwa tuku anan, redes sociales max namakgtayayan o kalipekua nawiliyan. Makgapitsi kstalaninanin Cristo laksakkgonit ni namaklakaskinkgo, chu amakgapitsi maklakaskinkgo xlakata nakatachuwinankgo xfamiliajkan chu xʼamigoskan. Pero Satanás lakaskin pi nitlan kamaklakaskiw redes sociales, chu uma natlawa pi nitlan nakinkalichuwinankan chu asta nialhla natalalinaw Jehová. Pero tastakyaw xalak Biblia nakinkamakgtayayan naʼakxilhaw tuku nitlan chu nalakgmakganaw chuna la tlawalh Jesús (Lu 4:4, 8, 12).

TUKU NITLAN

  • Lhuwa kilhtamaku limaxtukan. Komo lhuwa kilhtamaku nalimaklakaskinaw redes sociales chu natanuyaw kʼInternet, max nakinkamakglhtiyan kilhtamaku nema tlan xlimaklakaskiw xlakata naskujniyaw Jehová.

    Tastakyaw xalak Biblia: (Ef 5:15, 16; Flp 1:10)

  • Akxilhkan tuku ni xlilat. Komo naʼakxilhaw fotos nema masiya tuku nitlan kinkamalakpuwaniyan, max nasmanipasayaw pornografía o natlawayaw talakgxtumit nema ni xlitatlawat. Komo nalikgalhtawakgayaw tuku wankgo o tuku tsokgkgo apóstatas, nalaktlawa kintakanajlakan.

    Tastakyaw xalak Biblia: (Mt 5:28; Flp 4:8)

  • Wi tuku tsokgkan o wilikan fotos nema ni xlilat. Xlakata naku xaʼakgsanina, wi tiku max nalakpuwan pi tlan wi tuku natsokgwili o nawili fotos nema ni xlilat kredes sociales. Komo chuna natlawa, max nitlan katilichuwinanka o namaxlajwani xtakanajla amakgapitsin.

    Tastakyaw xalak Biblia: (Ro 14:13; Ef 4:29)

AKXNI AKXILHNITATA VIDEO LIWANA KAMAKLAKASKINTI REDES SOCIALES, KALILAKPUWANTI LA NI NAʼAKGSPULAYAN UMA: