Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

Natlatni, katlawatit tuku talakaskin xlakata minkamanankan namakgantaxtikgo

Natlatni, katlawatit tuku talakaskin xlakata minkamanankan namakgantaxtikgo

Putum natlatni tiku kstalaninanin Cristo lakaskinkgo pi xkamanankan na kaskujnikgolh Jehová. Tlan nakamakgtayakgo komo naliskujkgo nakamasiyanikgo tuku xaxlikana xalak Biblia lata akxni laktsujku (Dt 6:7; Pr 22:6). ¿Ni tuwa uma taskujut? Tuwa, talakaskin lhuwa tuku nalimakgxtakgkan, pero tlan kitaxtu akxni liskujkan (3Jn 4).

Xliʼakxilhtit José chu María lhuwa tuku kamasiyani natlatni. Xlakan xlismanikgonit «kata kata xʼankgo kJerusalén kʼakgatunu Pascua», maski akxni xʼankgo xtalakaskin tumin chu litliwakga (Lu 2:41). Tuku tlakg xlakaskinka xʼakxilhkgo José chu María, wa pi xfamilia xtalakatsuwinikgolh Jehová. La uku, natlatni na tlan nakapulalinkgo xkamanankan kxatlan tiji, komo natlawakgo putum tuku matlanikgo xlakata nakamasiyanikgo akxni nakatachuwinankgo chu nakawilinikgo xatlan liʼakxilhtit (Sl 127:3-5).

AKXNI AKXILHNITATA VIDEO MAKGAMAKGLHTINANKGOLH PUTUM TUKU KALAKGAYAWAKA, KAKGALHTI UMAKGOLH TAKGALHSKININ:

  • Akxni Jon chu Sharon Schiller xkamakgastakmakgo xkamanankan, ¿la tlawakgolh xlakata pulana xwilikgolh tuku xla xtakanajlakan?

  • ¿Tuku xlakata natlatni tanu tanu la xlistakyawatkan xkamanankan?

  • ¿La tlan nakamakgtayakgo natlatni xkamanankan xlakata natayanikgo chu ni namakgatsankgananikgo Dios akxni nakaputsananikan?

  • Xliputum tamakgtay nema xkachikin Jehová kinkamaxkinitan, ¿tuku maklakaskina xlakata nakamakgtayaya minkamanan xʼamigo Jehová nawankgo?

Kaliskujtit xlakata kmifamiliajkan, tuku tlakg xlakaskinka nawan, wa pi naskujnaniyatit Jehová.