Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Junio kata 2016

 TUKU LHUWA XTAPALH XALAK BIBLIA | SALMOS 34-37

Kalipawanti Jehová chu katlawa tuku tlan

Kalipawanti Jehová chu katlawa tuku tlan

«Ti laklixkajnit, nitu kakalakgkatsani»

37:1, 2

  • Ni kamasta talakaskin pi tuku tlan kakitaxtunima tiku lixkajni likatsikgo natlawa pi nialh naskujnaniputuna Jehová. Wa kuentajkatlawa tuku lakkaxwilinita chu tasikulunalin xaʼespiritual.

«Kalipawanti Jehová chu katlawa tuku tlan»

37:3

  • Kalipawanti pi Jehová nakuentajtlawayan akxni tuku ni liwana katsiya o lakgaputsapat. Xla namakgtayayan xlakata ni namakgxtakga.

  • Kaliskujti nalichuwinana xalakwan tamakatsin xla xTamapakgsin Dios.

«Kamakgapaxawa Dios y kapaxki»

37:4

  • Kalimaxtu kilhtamaku nalikgalhtawakgaya xTachuwin Dios chu kalilakpuwanti xlakata tlakg nalakgapasa Jehová.

«Kamakamaxki milatamat [...] Dios»

37:5, 6

  • Liwana kakatsi pi Jehová namakgtayayan natayaniya taʼakglhuwit.

  • Xatlan tayat kakgalhi akxni nitlan tuku limawakapakanti, sitsinipakanti o putsastalanipakanti.

«Nitu kawani, wata kakgalhi tu natlawa Dios»

37:7-9

  • Ni akglakgwa tuku katlawa. Nialh katipaxuwa chu nialh tlan katitalalipi Jehová.

«Tiku tlan likatsikgo wa nakamaxkikan katiyatni»

37:10, 11

  • Ni xaluku kawanti, kataktuju chu kalipawanti pi Jehová nalakgmaxtuyan xlakata tuku nitlan tlawanipakanti.

  • Kakamakgtaya natalan chu kakamatliwakglhti tiku lipuwamakgolh kakalitachuwinanti xasasti xkakilhtamaku Dios nema lu lakatsuwa wi.

Wa xTamapakgsin Mesías nalimin lhuwa tasikulunalin.