Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TUKU LHUWA XTAPALH XALAK BIBLIA | LUCAS 8, 9

¿Tuku kilitlawatkan xlakata nastalaniyaw Jesús?

¿Tuku kilitlawatkan xlakata nastalaniyaw Jesús?

9:62

Xlakata tiku lakgwaxnan titum nalakgwaxnan, talakaskin ni nalakgtalakgaspita tuku makgxtakglhli kkxchakgen. Kstalaninanin Cristo na ni kilimastatkan talakaskin pi tuku xalak kkakilhtamaku natlawa pi nialh xlakaskinka na’akxilhaw tuku xla Dios (Flp 3:13).

Akxni titaxtuyaw tuku tuwa, lakapala tsukuyaw lakapastakaw tuku tlan kinkakitaxtunin xapulana, chu max nalakapastakaw la xwanit kilatamatkan akxni nina xlakgapasaw Jehová. Akxni chuna tlawayaw tlakg lakapastakaw tuku tlan titaxtuw pero ni lakapastakaw tuku nitlan titaxtuw. Wa uma tuku tlawakgolh israelitas akxni xtaxtukgonit kʼEgipto (Nú 11:5, 6). Komo chuna nalakpuwanaw max uma natlawa pi nalatamaputumparayaw la xapulana. Tlakg tlan nalilakpuwanaw tasikulunalin nema kgalhiyaw la uku chu tuku nakgalhiyaw akxni namapakgsinan xTamapakgsin Dios (2Co 4:16-18).