Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 TUKU LHUWA XTAPALH XALAK BIBLIA | SALMOS 74-78

Kalakapastakti tuku tlawanit Jehová

Kalakapastakti tuku tlawanit Jehová

Lu xlakaskinka nalilakpuwanaw putum tuku tlan tlawanit Jehová

74:16; 77:6, 11, 12

  • Akxni lilakpuwanaw tlakg akgatekgsaw xTachuwin Dios chu tlakg xtapalh akxilhaw taway xaʼespiritual.

  • Akxni limaxtuyaw kilhtamaku lilakpuwanaw xlakata Jehová kinkamakgtayayan nalakapastakaw tuku lu tlan tlawanit chu takgalhkgalhin nema kinkamalaknuniyan.

Makgapitsi tuku tlawanit Jehová

74:16, 17; 75:6, 7; 78:11-17

  • Tuku tlawanit:

    akxni tlakg katsiniyaw tuku tlawanit tlakg kaks kinkamalakawaniyan.

  • Natalan tiku kalaksaknit kcongregación:

    kilikgalhakgaxmatatkan tiku Jehová kalaksaknit xlakata napulalinkgo xkachikin.

  • Akxni lakgmaxtunanit:

    nalakapastakaw akxni kalakgmaxtulh xala makgasa tlakg lipawanaw pi xla lakaskin chu tlan kakuentajtlawa kskujnin.