La uku lakapala wi tuku tuwa tlawa kilatamatkan. Lhuwa kilhtamaku limaxtuyaw chu litliwakga akxni tamawayaw, xokgoyaw, maklakaskinaw, kaxtlawayaw chu kuentajtlawayaw tuku kgalhiyaw. Jesús ni lhuwa tuku xkgalhi xlakata ni xmakglhtilh kilhtamaku nema xtalakaskin xlakata nalichuwinan Dios (Mt 8:20).

¿Chu wix? ¿Tlan ni lhuwa tuku nakgalhiya xlakata tlakg nalichuwinana Dios? Max chatum xalak mifamilia tlan precursor nawan komo ni lhuwa tuku nakgalhiyatit. Maski wix putum kilhtamaku skujnipata Dios, ¿akxilha pi xlakata lhuwa tuku kgalhiya tlawa pi tuwa nawan milatamat? Komo ni lhuwa tuku nakgalhiya chu naskujnaniya Jehová, tlan namakgkatsiya chu napaxuwaya (1Ti 6:7-9).

Katsokgti tuku tlan natlawaya xlakata ni lhuwa tuku nakgalhiya.