Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

¿Akxilhaw xtayat Dios?

¿Akxilhaw xtayat Dios?

Akxni akxilhaw akgatum lu stlan xanat, akxni lhuwa staku tasiya kʼakgapun o akxilhaw la xlilhuwa takta chuchut kʼakgtum cascada, ¿lilakpuwanaw kiMalakatsukinakan? Tamalakatsukin kinkamakgtayayan liwana naʼakxilhaw xtayat Jehová (Ro 1:20). Komo nalimaxtuyaw kilhtamaku nalilakpuwanaw tuku akxilhaw, tlan naʼakxilhaw xlitliwakga Dios, xtapaxkit, xliskgalala, xtaʼakgstitumilit chu pi lhuwa tuku kinkamaskiwiyan (Sl 104:24).

¿Tuku xtamalakatsukin Jehová akxilha chali chali? Maski lapat kʼakgtum lanka kachikin, tlan akxilha tsiktsi o kiwi. Akxni kaks akxilhaw tamalakatsukin kinkamakgtayayan ni lu nalakgaputsayaw, ni nalakpuwanaw pi kintaʼakglhuwitkan lu laklanka chu matliwakglha kintakanajlakan pi Jehová nakinkakuentajtlawayan putum kilhtamaku (Mt 6:25-32). Komo kgalhiya kamanan, kakamakgtaya naʼakxilhkgo xtayat Jehová nema ni anan tuku xtachuna. Akxni tlakg xtapalh akxilhaw tuku Jehová malakatsukinit, tlakg talakatsuwiniyaw (Sl 8:3, 4).

AKXNI AKXILHNITATA VIDEO XASTLAN TAMALAKATSUKIN MASIYA XLILANKA DIOS: XKGAKGANAT CHU COLORES, KAKGALHTI UMAKGOLH TAKGALHSKININ:

  • ¿Tuku tlawa pi tipalhuwa colores na’akxilhaw?

  • ¿Tuku xlakata makgapitsi colores talakgpali la tasiya lata niku wix akxilhpat?

  • ¿Tuku xlakata akgapun tanu tanu colores tasiya?

  • ¿Tuku lu lakstlan colores akxilhnita lakatsu kminchik?

  • ¿Tuku xlakata kilimaxtutkan kilhtamaku kaks na’akxilhaw tuku malakatsukikanit?

¿Tuku kinkamasiyaniyan xkgakganat chu colores xlakata la likatsi Jehová?