Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Febrero kata 2017

 KILATAMATKAN LA KSTALANINANIN CRISTO

Akgtum takgalhkgalhin nema lu kinkamakgapaxuwayan

Akgtum takgalhkgalhin nema lu kinkamakgapaxuwayan

Takgalhkgalhin la kgalhxtokge tuku chipawili akgtum barco (Heb 6:19). Kinkamakgtayayan ni makgat nakinkalinkanan akxni wi tuku laktlawaputun kintakanajlakan xtachuna unisen (1Ti 1:18, 19). Uma kilhchanima akxni max wi tuku nitlan kinkakitaxtuniyan, makgatsankgayaw tumin, tatatlayaw, niy tiku lu xpaxkiyaw o atanu tuku tlawa pi namakgxtakgaw Jehová.

Takanajla chu takgalhkgalhin kinkamakgtayayan na’akxilhaw tuku kinkamalaknunikanitan (2Co 4:16-18; Heb 11:13, 26, 27). Wa xlakata, maski kgalhkgalhimaw nalatamayaw k’akgapun o kKatiyatni ankgalhin kililakapastakatkan tamalaknun nema lichuwinan Biblia xlakata nalitatliwakglhaw. Komo chuna natlawayaw, akxni natitaxtuyaw tuku tuwa, ni lakapala katimakgatsankgaw kintapaxuwankan (1Pe 1:6, 7).

AKXNI AKXILHNITANTITA VIDEO «KALIPAXUWATIT TAKGALHKGALHIN», KAKGALHTITIT UMAKGOLH TAKGALHSKININ:

  • ¿Tuku xlakata Moisés akgtum lu tlan li’akxilhtit kimpalakatakan?

  • ¿Tuku lakgayakgo tiku pulalinkgo familia?

  • ¿Tuku tlan nalichuwinanatit akxni nakakninaniyatit Dios kfamilia?

  • ¿La nakinkamakgtayayan takgalhkgalhin natayaniya tuku tuwa?

  • ¿Tuku tlakg lakaskina xkgantaxtulha?