Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Febrero kata 2017

 KILATAMATKAN LA KSTALANINANIN CRISTO

Liwana kamaklakaskiw kilikgalhtawakgakan

Liwana kamaklakaskiw kilikgalhtawakgakan

Jesús wa: «Kaj chunata makgamakglhtinantit, pus na kaj chunata nkamastatit» (Mt 10:8). Kgalhakgaxmataw uma limapakgsin akxni ni kamatajiyaw latamanin Biblia chu kilikgalhtawakgakan (2Co 2:17). Pero umakgolh likgalhtawakga liminkgo tuku xaxlikana xlakata xTachuwin Dios nema lu laklanka xtapalh. Na talakaskin tumin chu naliskujkan xlakata natlawakan chu nakamalakgachakan kcongregaciones xlikalanka katiyatni. Wa xlakata kajwa nalinaw nema namaklakaskinaw.

Liwana kalakpuwanti akxni nakamaxkiya likgalhtawakga latamanin, asta akxni xakstukan talakatsuwikgo niku lichuwinamaw Dios (Mt 7:6). Ni lakapala kamaxkiw putum tiku titaxtu, wata kakatachuwinaw xlakata nakatsiyaw komo lakgatikgo. Kalakpuwanti komo akxni nakgalhtiya takgalhskinin nema min krecuadro nawana pi chuna maski kaj makgtum. Komo ni liwana katsiya pi lakgati, tlakg tlan kaj tratado namaxkiya. Xlikana, xatapaxuwan namaxkiyaw maktum revista o atanu likgalhtawakga tiku nakinkaskiniyan (Pr 3:27, 28).