Ankan kxpulakni

Ankan xlipulaktiy niku tsuku

Ankan kliputsan

Xtatayananin Jehová

totonaco

Tuku natalikgalhtawakga ktamaxkxtumit Xlatamat chu xtaskujut kstalanina Cristo  |  Enero kata 2016

 KILATAMATKAN LA KSTALANINANIN CRISTO

Tlakg kakatsini la nalichuwinana Dios: kawani tuku natlawa pi nataspitparaya

Tlakg kakatsini la nalichuwinana Dios: kawani tuku natlawa pi nataspitparaya

TUKU XLAKATA LU XLAKASKINKA:

Munuwiliputunaw xtalhtsi xaxlikana nema chaw (1Co 3:6). Komo tekgswi tiku lakgatilh tuku litachuwinaw tlan natlawaniyaw takgalhskinin nema nakgalhtiyaw akxni nalakgtaspitparayaw. Uma natlawa pi tlakg nakatsiputun chu ni tuwa namakgkatsiyaw naputsayaw tuku nalitachuwinanaw. Akxni nataspitparayaw nawaniyaw pi mimaw maxkiyaw xtakgalhtin takgalhskinin.

LA NATLAWAYAW:

  • Akxni nalakkaxwiliya tuku nawana akxni lichuwinana Dios akgatunu chiki, kalakpuwanti tukuya takgalhskinin natlawaya. Tlan nalaksaka takgalhskinin nema min klikgalhtawakga nema makgxtakgnipat. Na tlan laksaka akgtum takgalhskinin xla likgalhtawakga nema limakgalhtawakgenanaw chu watiya uma likgalhtawakga namasiyaniyaw akxni nalakgtaspitparayaw.

  • Akxni natakgalhchuwinankgoya tiku lakgatilh tuku litachuwinanti kawani pi atanu kilhtamaku tlakg tachuwinamputuna chu katlawani takgalhskinin nema wix lakaskina. Kaskini xdirección komo matlani.

  • Komo waniya tukuya hora nalakgapaxialhnana, kamakgantaxti mintachuwin (Mt 5:37).