Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

«Pablo [...] paxtikatsinilh Dios, chu uma matliwakglhli»

«Pablo [...] paxtikatsinilh Dios, chu uma matliwakglhli»

Akxni congregación xalak Roma katsikgolh pi Pablo xmima, makgapitsi natalan tlawankgolh 64 kilómetros xlakata nalakgapaxtokgkgo. ¿La limakgkatsilh Pablo xlakata xtapaxkitkan xnatalan? Akxni Pablo kaʼakxilhli, «paxtikatsinilh Dios chu uma matliwakglhli» (Hch 28:15). Maski Pablo wa tiku xkamatliwakglha natalan xalak congregación, uma kilhtamaku wa tiku xtalakaskin xmatliwakglhka xlakata tachin xwi (2Co 13:10).

La uku, superintendentes de circuito lakgapaxialhnankgo akgatunu congregaciones xlakata nakamatliwakglhkgo natalan. Chuna la putum xkachikin Dios, min kilhtamaku superintendentes na tlakgwankgo, lipuwankgo chu taxlajwanikgo. Akxni superintendente chu xpuskat naʼankgo lakgapaxialhnankgo mincongregación, ¿tuku tlan natlawaya xlakata nakamakgpuwantiniya chu nalalimatliwakglhatit mintakanajlakan? (Ro 1:11, 12).

  • Kapit akxni tamakxtumikan xlakata naʼankan lichuwinankan Dios. Superintendente de circuito tlan makgkatsi akxni akxilha pi lu liskujaw xlakata namakgtayananaw kʼuma xlakaskinka semana (1Te 1:2, 3; 2:20). Tlan precursor auxiliar nalitaxtuya papa’ akxni nakalakgapaxialhnanan superintendente de circuito. ¿Tlan xlakkaxwili xlakata napina talichuwinana Dios xla chu xpuskat o nawaniya pi na’anan tatlawayan akgtum takgalhtawakga xalak Biblia? Ni kalakpuwanti pi nina makgas la lichuwinana Dios o pi nila liwana lichuwinana, xlakan lipaxuwakgo akxtum kataskujkgo putum natalan xalak congregación.

  • Tlan kakamakgamakglhtinanti. ¿Tlan natamakgxtakgkgo kminchik o nakamawiya? Uma kalimasiyani pi xlikana kapaxkiya. Xlakan ni kgalhkgalhikgo pi lhuwa tuku natlawaya (Lu 10:38-42).

  • Kakgaxpatti xtastakyawkan chu kamakgantaxti. Superintendentes de circuito xatapaxuwan kinkawanikgoyan la tlakg tlan naskujnaniyaw Jehová. Namin kilhtamaku xlakan palha nakinkastakyawakgoyan (1Co 5:1-5). Xlakan xatapaxuwan tlawakgo xtaskujutkan akxni kgalhakgaxmatnanaw chu tlawayaw tuku kinkawanikanan (Heb 13:17).

  • Kalimasiya tapaxtikatsinit. Kawani superintendente xla circuito chu xpuskat la litamakgtayaya tuku xlakan tlawakgo. Tlan kalakaniya nakawaniya o nakatsokgniya maktum carta (Col 3:15).