Ankan kxpulakni

Ankan kliputsan

Xtatayananin Jehová

Laksakkan tachuwin totonaco

 KILATAMATKAN LA KSTALANINANIN CRISTO

«Pulana katalakkaxla mintala»

«Pulana katalakkaxla mintala»

Kalakpuwanti pi lapat kʼGalilea kxkilhtamaku Jesús. Makgat tlawana xlakata nachipina kJerusalén chu natlawaya Paskua xla Laktsu Chiki. Kachikin litsama amakgapitsi tiku na ankgonit makgtlawakgo paskua chu lu makgat minkgonitancha. Wix tlawaniputuna akgtum tamakamastan Jehová. Wa xlakata lipina mincabra chu tsukuya kalakgstipatlawana lhuwa latamanin tiku lamakgolh ktiji xlakata nachipina ktemplo. Akxni chipina ktemplo, akxilha pi litsama tiku na ankgonit tlawakgo tamakamastan. Chanita kilhtamaku nakamaxkiya sacerdotes cabra nema lipinita. Pero uma kilhtamaku lakapastaka mintala tiku wi tuku lisitsiniyan, chu max na anta wi kxlakgstipan lhuwa latamanin tiku wilakgolh kkachikin. Jesús lichuwinalh tuku militlawat (kalikgalhtawakga Mateo 5:24). ¿La tlan wix chu mintala tiku sitsiniyan naputsayatit takaksni chuna la wa Jesús? Kʼakgatunu lista nema wi tipakgalhu kalakalhtit xatakgalhtin nema lakgchan.

TUKU MILITLAWAT

  • Natachuwinana mintala kajwatiya komo lakpuwana pi xlilat tuku lisitsinit.

  • Nalakgpaliniya xtapuwan mintala komo makgkatsiya pi malakatsalima tuku makgkatsi chu na lin tsinu kuenta.

  • Nakgaxpatniya mintala tuku xla lakpuwan, maski ni liwana akgatekgsa tuku makgkatsi, chu naskiniya katapatin xlakata nitlan mamakgkatsini.

TUKU XLITLAWAT MINTALA

  • Nakalitachuwinan amakgapitsi natalan xalak congregación tuku nitlan tlawani xlakata natatayakan.

  • Naliwaniyan putum tuku nitlan tlawani chu naskiniyan pi kalitaya.

  • Naʼakxilha pi wix taktuju chu ni pekuanti xlakata napina tachuwinana chu natapatiyan xliputum xnaku.

Maski la uku nialh makamastayaw animales xlakata nakakninaniyaw Dios, ¿tuku wa Jesús xlakata la katalalinaw kinatalankan chu takaknin nema Dios makgamakglhtinan?